Shën Anselmi i Aostës, teologu që “shpjegoi” enigmën e Zotit!

R.SH. / Vatikan

Shën Anselmi i Aostës, murg benediktin, teolog i njohur, kryeipeshkëv i Canterbury-t dhe doktor i Kishës, na mëson ta kërkojmë Zotin me intelektin e besimit. Me "argumentin e tij ontologjik" mbi ekzistencën e Zotit, ndikoi shumë në filozofinë e mëvonshme

Shën Anselmi teologu që “shpjegoi” enigmën  e Zotit!

O Zot, ti je Zoti im!

Je Zoti im edhe pse kurrë nuk të pashë!

Ti më krijove e më rikrijove;

ti m’i dhurove të gjitha pasuritë

e unë ende nuk nuk të njoh.

Unë u krijova që të të shikoja Ty,

po nuk e bëra atë

për të cilën u krijova!

Po ti, o Zot, der kur do të na harrosh?

E deri kur Ti kokën do ta kthesh mënjanë?

Kur do të na shikosh  

edhe do të të na dëgjosh?

Kur do të na i hapësh sytë,

të shohim fytyrën tënde?

Kur do të kthehesh përsëri tek ne?

O Zot, dëgjona, ndriçona, duku.

Kthehu mes nesh: vetëm me Ty ndjehemi mirë,

pa Ty, shumë keq…

Mëshirë për ne!

nuk vlejmë asgjë pa Ty.

Më mëso të të kërkoj

e kur të kërkoj, të më shikosh:

Po unë s’ mund të kërkoj

nëse nuk më mëson sesi,

e as të të shikoj, nëse ti nuk dukesh.

E di se mund të kërkoj duke të dëshiruar

 E edhe se të dëshiroj, duke të kërkuar,

të të gjej Ty, veç duke të dashur,

e të të dua,

etshëm për Fytyrën tënde!