Shenjtorët e javës 12 -19 mars
R.SH. - Vatikan
E diel 12 mars, Kisha katolike kremton të Dielën III të Krezhmëve, ciklit të parë ‘A‘ e gjithnjë më 12 mars, kalendari kishtar kujton edhe shën Maksimilianin, martir e shën Inoçencin I, papë.
Liturgjia e kësaj të diele dhe e dy të dielave të ardhshme e ndihmon të krishterin të përjetojë edhe një herë, me anë të misterit, etapat e mëdha nëpër të cilat kalonin katekumenët, për të zbuluar kërkesat e thella të kthimit kah Krishti, në shenjat e ujit, të dritës dhe të jetës. Në qendër të liturgjisë së Dielës së III të Kreshmëve nga shën Gjoni është uji, si vendndodhja ku bashkohen dhe takohen dy bashkëbisedues: njeriu dhe Hyji. Uji bëhet simboli, që përmbledh dhe shpreh kërkesën e njeriut dhe përgjigjen e Hyjit (Ungjilli i sotëm). Ekzistenca njerëzore është plot me aspirata të pafundme: etja për dashuri, kërkimi i të vërtetës, etja për drejtësi, liri, bashkim dhe paqe...
Të hënën më 13 mars, kalendari kishtar përkujton shën Sabinin, martir; shën Kristinën, martire e shën Leonardin, ipeshkëv i Siviljes.
Po të hënën më 13 mars, bie 10-të vjetori i Zgjedhjes së Shenjtërisë së Tij Papës Françesku.
Të martën më 14 mars, kalendari kishtar përkujton shën Matildën, mbretëreshë; shën Paolninën; të lumin Plaçido Rikardin, murg i komunitetit të shën Palit jashtë mureve të Romës.
Të mërkurën më 15 mars, kalendari kishtar përkujton shën Zakarinë, papë; shën Luizën de Marillac, bashkëthemeluese të Bijave të Dashurisë e shën Klementin Hofbauer, meshtar redemtorist.
Të enjten më 16 mars, kalendari kishtar përkujton shën Hilarin e Tazianin, martirë të Akuilesë
Të premten më 17 mars, kalendari kishtar përkujton shën Patrikun, ipeshkëv e apostull i Irlandës; shën Gjonin Sarkander, meshtar e martir.
Të shtunën më 18 mars, kalendari kishtar përkujton shën Cirilit, ipeshkëv i Jerusalemit e doktor i Kishës; shën Anselmin, ipeshkëv i Lukës.
Të dielën e ardhshme më 19 mars, Kisha katolike do të kremtojë të Dielën IV të Krezhmëve, ciklit të parë ‘A‘, gjithnjë më 19 mars kalendari kujton edhe shën Gjonin, abat.
