Papa Clemente XI  e l’Albania Papa Clemente XI e l’Albania

Klementi XI dhe Shqipëria, me 15 korrik konferenca jubilare në 300-vjetorin e vdekjes

Në kuadër të 300 vjetorit të ndarjes nga jeta të Papa Klementi XI, të enjten e 15 korrikut, do të zhvillohet një konferencë shkencore jubilare nga Akademia e Shkencave të Shqipërisë në bashkëpunim me Nunciaturën Apostolike në Shqipëri me temë “Papa Klementi XI dhe Shqipëria“.

R.SH. - Vatikan

Në faqen e internetit të Konferencës Ipeshkvnore Katolike të Shqipërisë (K.I.SH.), njoftohet se "në kuadër të 300 vjetorit të ndarjes nga jeta të Papa Klementi XI, të enjten e 15 korrikut, në Tiranë, do të zhvillohet një konferencë shkencore jubilare nga Akademia e Shkencave të Shqipërisë në bashkëpunim me Nunciaturën Apostolike në Shqipëri me temë “Papa Klementi XI dhe Shqipëria“.

Në këtë konferencë shkencore për jetën dhe kontributin e Papa Klementi XI do të flasin Dom Nikë Ukgjini, At Mikel Pllumbaj, Prof. Bardhyl Demiraj, Prof. Francesco Altimari, Prof. Evalda Paci, Prof. Ardian Ndreca dhe Dr. Albin Saraçi.

Fjala hapëse e kësaj konference do të bëhet nga Nunci Apostolik, Imzot Luigi Bonazzi dhe nga kryetari i Akademisë së Shkencave, Skënder Gjinushi. Konferenca do të moderohet nga historiani Pëllumb Xhufi.

Ky takim do të zhvillohet në ambientet e Akademisë së Shkencave, ndërsa të interesuarit mund ta ndjekin edhe nëpërmjet platformës online: https://us02web.zoom.us/j/87155445481?pwd=NnZzcEJ0TFRpUlFPOHl1SEluVnlndz09 Meeting ID: 871 5544 5481 Passcode: 075047".

(nga kish.al - K.I.SH.)

13 korrik 2021, 14:22