“Je bir i Zotit…”. Letra e ipeshkvit të Kremonës, shkatërruesit të shtatores së Krishtit
R.SH. - Vatikan
Lind dyshimi për një rit satanik, pas fyerjes së shtatores së Krishtit, rrëzuar natën ndërmjet të enjtes e të premtes së kaluar në shëtitoren rrëzë lumit Po, në Cremona (Kremonë) të Italisë. Pusulla, brenda një zarfi të flakur pranë skulpturës prej druri, rrëzuar përdhe, të shtyn të mendosh për këtë pistë, ndonëse është e vështirë ta gjesh autorin, sepse aty pranë nuk ka telekamera. Episodi preku shumë njerëz (aq më tepër sepse skulptura qe vendosur e qe bekuar ditën e kulmit të gushtit)
Letra e imzot Napolionit
I tronditur nga kjo ngjarje kaq e papritur, Imzot Antonio Napolioni, i sapo shëruar nga Coronavirusi, vendosi t’u drejtonte një letër të hapur autorit a autorëve të gjestit, duke i siguruar se Zoti i fal, edhe pse kryen një vepër kaq të shëmtuar.
Ja teksti i Letrës
“Ai dha jetën për ty,
kushdo qofsh:
i zemëruar, i padijshëm,
i zhgënjyer, i shthurur,
i dehur, kapadai, i çmendur…
je si je, je vëllai im!
Je bir i Zotit,
e jo ai armik, si nënshkrove!
“Armiku” nuk mund të të lindë
sepse nuk e do jetën,
nuk e jeton dashurinë,
nuk e pranon faljen…
Po Ati të do përgjithmonë!
Prandaj i Biri nuk ulet kurrë nga ai kryq,
i vënë nën thembër shpeshherë në historinë njerëzore,
të cilën e rilindi, e shpëtoi.
Biri i tij Jezus,
që jeton edhe në ty.
të fal e të përqafon,
po të duash.
Kjo është liria e vërtetë
që të bën të denjë
për stimën e të gjithëve,
edhe të atyre që i gandove
e i sfidove
në besnikërinë e tyre ndaj Krishtit
gjithnjë mëshirplotë.
Lutem për ty,
e të pres, në daç
për një përqafim paqeje!
Antoni, ipeshkëv.