Tërmeti në Shqipëri: zëra e dëshmi nga terreni
R.SH. - Vatikan
Bashkëpunëtori ynë nga Tirana, Elidon Dodaj, ndodhet këto ditë në zonat e tërmetit, si përgjegjës për Karitasin e Tiranës, në vijën e parë të ndihmës për të dëmtuarit nga tërmeti. Në Thumanë mblodhi për ne një sërë zërash, vullnetarë, drejtorë Karitasesh, rregulltarë, e, edhe deputetë e politikanë, deri tek ministrja e Shëndetësisë dhe e Mbrojtjes Sociale, Ogerta Manastirliu. Ta dëgjojmë…
Mikrofoni i Elidon Dodajt u kalon tani dy deputetëve, Vasilika Hysi dhe Eno Hyska…
Siç e thamë edhe më parë, të gjitha Karitaset dioqezane i janë përgjigjur thirrjes së Karitasit të Shqipërisë dhe kanë çuar në zonat e tërmetit grupe vullnetarësh me ndihmat e mbledhura nga besimtarët. Gjithashtu, kryedioqeza metropolite e Shkodër-Pultit ka vënë në dispozicion Fshatin e Paqes për të strehuar njerëzit, që kanë mbetur pa shtëpi nga tërmeti. Të dëgjojmë, gjithnjë në intervistën e Elidon Dodajt, vikarin e Shkodrës, don Nikolin Tomën…
Pas don Nikolinit, të dëgjojmë zërin e një murgeshe. Është moter Camilla, drejtoreshë e Karitasit të Jugut. Kujtojmë se ipeshkvi i dioqezës, imzot Giovanni Peragine bëri menjëherë thirrje të hapen dyert e kishave për të shpërngulurit nga tërmeti…
E tani, mikrofoni i Elidon Dodajt i drejtohet drejtorit të Karitasit të Sapës, Nikolin Lekaj, edhe ai në Thumanë, bashkë me grupin e vullnetarëve nga dioqeza e vet…
Ndër detyrat, që Jezu Krishti radhit për ndjekësit e tij, janë edhe këto: “Isha i uritur e më dhatë të ha; isha i zhveshur e më veshët; isha pa strehë e më përbujtët”. Janë pikërisht nevojat më elementare, që duhen plotësuar tani për të dëmtuarit nga tërmeti. E, të shtyrë nga kjo frymë, janë mbledhur në Thumanë e Durrës, vullnetarët e Kishës Katolike. Të dëgjojmë ata nga dioqeza e Sapës…
Vullnetarja tjetër, që na propozon intervista e Elidon Dodajt, është murgeshë. Të dëgjojmë motër Arta Sulin…
Imzot Gjergj Meta: Në ditëlindjen tënde, atdhe
E përfundojmë këtë reportazh nga zonat e tërmetit në Shqipëri, me një poezi-lutje, shkruar për sot, kur vendi kremton Ditën e Pavarësisë, nga ipeshkvi i Rrëshenit, imzot Gjergj Meta…
Në ditëlindjen tënde
Në ditëlindjen tënde
Flamujt gjysëmshtizë janë vrenjtur
Nga sytë e shqipes dykrenë
Vërshojnë lot
Shqipja qan bijtë e saj
Shqipja nuk ka më zë
Shqipja vajton
Toka briti ia përpiu bijtë
Foshnja
Nana
Gjyshe
Burra e djem.
Me gjysëm zëri,
Me lot për faqe të them:
Gëzuar ditëlindjen Atdheu im!
Nanëdheu im!
Qirinjtë sonte s'mund t'i fikim
Derisa të kalojë nata...
+ Imzot Gjergj Meta