Dedë Gajtani: "Lule krizantemës"
R. SH. - Vatikan
O krizantemë, o lule e bardhë shatorre,
që kryet e ulë trishtueshëm, si tue kjá ndër vorre…
Kryet ulë trishtueshëm, si tue kjá në kunora,
mbi lule të shkreta, që i ka mbardhun bora.
O krizantemë - o lule e zbehtë nandorit,
që dukesh ma e bukur përmbi vorr të skamnorit,
kur, rrahë prej ere, si me e puthë përkule
atë vorr të harruem, ku askush nuk ven lule!
1 Dedë Gajtani lindi në Gajtan, Shkodër, më 07.06.1915. Shkollën fillore dhe të mesme i kreu në Kolegjin Saverian të Jezuitëve, në Shkodër. Ndërsa studimet e larta, që i vazhdoi në Kolegjin “Propoganda Fide”, në Romë, Itali, i mbaroi në vitin 1941. Ndërroi jetë më 07. 12. 1993, në moshën 78-vjeçare në Shkodër, duke lënë pas, të pabotuar, librin “Përkthime, poezi dhe poema”, libër me vlerë, që të hap horizontin e pamasë të poezisë së Mjeshtrave të mëdhenj të saj. Brenda faqeve, kushtim i fëmijëve të tij, të rritur nën persekutim, që e botuan: “… Ne, fëmijët e tu patëm fatin e madh që ishe babai ynë.” – Gjoni, Kristina, Rozina, Antonieta, Zefi, Davida".