Misioni i radiove fetare në shoqërinë e sotme shqiptare
Javë që kaloi, më 2 tetor, në Tiranë u mbajt një konferencë me temë “Radio fetare në gjuhën shqipe”, organizuar nga Autoriteti i Mediave Audiovizie (AMA). Mori pjesë Ministrja e Kulturës së Republikës së Shqipërisë, zonja Elva Margariti, për Radio Vatikanin, Prefekti i Dikasterit të Selisë së Shenjtë për Komunikimin, dr. Paolo Ruffini dhe përgjegjësi i redaksisë shqipe të RV, së bashku me drejtues të radiove fetare të komuniteteve të ndryshme religjioze të Shqipërisë si radio “Spectrum” e komunitetit Mysliman, radio “Ngjallja” e komunitetit Ortdokse, “Radio Maria” e komunitetit katolik dhe radio “Dodona” e kryegjyshatës Bektashiane.
Përveç drejtuesve të këtyre radiove, në konferencë morën pjesë përfaqësues të Komuniteteve fetare të Shqipërisë, gazetarë dhe ekspertë të mediave. Konferenca u hap me fjalën e kryetarit të Ama, zotit Gentian Sala, ndërsa u moderua nga drejtori i Ama Arben Muka.
Valët shpirtërore që ndërtojnë vëllazërimin, përforcojnë besimin në Zotin, rrisin përgjegjësinë e çdo besimtari ndaj së mirës së përbashkët, luftojnë veset dhe ushqejnë virtytet. Ky, thënë shkurt, është misioni që, radio e komuniteteve fetare në Shqipëri, me emisionet e tyre e çojnë çdo ditë përpara.
Në përfundim të punimeve, ia drejtuam mikrofonin tonë disa prej të pranishmëve, kësaj radhe po ju propozojmë bisedën që zhvilluam, menjëherë pas konferencës, me drejtorin e Radio Marisë, dom Prek Lazri, ta dëgjojmë.....
