മൊറോക്കോയ്ക്കും,ലിബിയയ്ക്കും റോമൻ വികാരിയാത്തിന്റെ സഹായഹസ്തം

ഫാ.ജിനു ജേക്കബ്,വത്തിക്കാൻ സിറ്റി

ലോകമെമ്പാടുമുള്ള സഹോദരി സഭകളുമായുള്ള അടുപ്പത്തിന്റെയും ഐക്യദാർഢ്യത്തിന്റെയും ഭാഗമായി റോം രൂപത കഴിഞ്ഞ ദിവസങ്ങളിലെ വിനാശകരമായ ഭൂകമ്പങ്ങളാൽ നാശം വിതച്ച മൊറോക്കോയിലെ ജനങ്ങൾക്കും, വെള്ളപ്പൊക്കത്തിൽ ദുരിതമനുഭവിക്കുന്ന ലിബിയൻ ജനതയ്ക്കും സഹായം നൽകി.

 മൊറോക്കോയും ലിബിയയും അഭൂതപൂർവമായ മാനുഷിക ദുരന്തത്തെ അഭിമുഖീകരിക്കുന്ന അവസ്ഥയിൽ ജാതി മത ഭേദമെന്യേ റോം രൂപത നടത്തുന്ന സഹായസഹകരണങ്ങൾ ലോകമെങ്ങും നന്ദിയോടെയാണ് അനുസ്മരിച്ചത്.മൊറോക്കോയിലെ വിനാശകരമായ ഭൂകമ്പത്തിൽ ഏകദേശം മൂവായിരത്തോളം ആളുകൾക്ക് ജീവൻ നഷ്ടപ്പെടുകയും, നിരവധിപേർക്ക് പരിക്കേൽക്കുകയും ചെയ്തിരുന്നു.

 റോം രൂപതയിലെ കാരിത്താസ് സംഘടന രൂപതയിലെ ഇടവകകളെയെല്ലാം കൂട്ടിയിണക്കിക്കൊണ്ട് പ്രാർത്ഥനയ്ക്കും, ഐക്യദാർഢ്യത്തിനും ആഹ്വാനം ചെയ്യുകയും, ഫണ്ട് രൂപീകരിക്കുകയും ചെയ്തു.