ലോകത്തിൽ കോവിദ് മഹാമാരി അടിയന്തരാവസ്ഥ അവസാനിക്കുന്നു !

ജോയി കരിവേലി, വത്തിക്കാൻ സിറ്റി

കോവിദ് 19 മഹാമാരിമൂലമുണ്ടായ അടിയന്തര സാഹചര്യങ്ങൾ അവസാനിച്ചതായി ലോകാരോഗ്യ സംഘടന (ഡബ്ല്യു എച്ച് ഒ WHO).
എന്നാൽ കോവിദ് മഹാമാരി അവസാനിച്ചിട്ടില്ലെന്നും തെക്കുകിഴക്കെ ഏഷ്യയിലും മദ്ധ്യപൂർവ്വദേശത്തും കോവദ് 19 രോഗബാധ തുടരുന്നുണ്ടെന്നും ലോകാരോഗ്യ സംഘടന വെളിപ്പെടുത്തി.
മെയ് 5-ന് വെള്ളിയാഴ്ചയാണ് ലോകാരോഗ്യ സംഘടന കോവിദ് അടിയന്തരാവസ്ഥ അവസാനിച്ചതായി പ്രഖ്യാപിച്ചത്
മൂന്നര വർഷം മുമ്പ് പൊട്ടുപ്പുറപ്പെട്ട ഈ മഹാമാരി, ലോകാരോഗ്യസംഘടനയുടെ കണക്കനുസരിച്ച്, 70 ലക്ഷം പേരുടെ ജീവനപഹരിച്ചു.
ലോകം കോവിദിൻറെ ഭീഷണിയിൽ നിന്ന് പൂർണ്ണമായും മുക്തമായി എന്ന് പറയാറായിട്ടില്ലെന്ന് ലോകാരോഗ്യസംഘടനയുടെ മേധാവി, തെദ്രോസ് അദനോം ഗെബ്രെയെസൂസ് പറഞ്ഞു.