പട്ടിണിയുടെ പിടിയിലമരുന്ന ജനത !

ജോയി കരിവേലി, വത്തിക്കാൻ സിറ്റി

ലോകത്തിൽ യുദ്ധം കാലാവസ്ഥ വ്യതിയാനം, കോവിദ് 19 മഹാമാരി എന്നിവയുടെ ഫലമായി പട്ടിണിയനുഭവിക്കുന്നവരുടെ സംഖ്യ 80 കോടിയാണെന്ന് ഐക്യരാഷ്ട്രസഭയുടെ ഭക്ഷ്യകൃഷി സംഘടനയുടെ മേധാവി കു ദോംഗ്യൂ (Qu Dongyu).

അനുവർഷം ഒക്ടോബർ 16-ന് ആചരിക്കപ്പെടുന്ന ലോക ഭക്ഷ്യദിനത്തോടനുബന്ധിച്ചാണ് അദ്ദേഹം ഇതു പറഞ്ഞത്.

പട്ടിണി അനുഭവിക്കുന്നവരുടെ സംഖ്യ വർദ്ധിച്ചുകൊണ്ടിരിക്കയാണെന്നും ആകയാൽ സത്വര നടപടികൾ ആവശ്യമാണെന്നും അദ്ദേഹം വ്യാക്തമാക്കി.

അഫ്ഖാനിസ്ഥാൻ, സിറിയ, യെമൻ, ദക്ഷിണ സുഡാൻ  ആഫ്രിക്കയുടെ കൊമ്പു പ്രദേശങ്ങൾ എന്നിവിടങ്ങളിലായി 2 കോടി 10 ലക്ഷത്തോളം കുട്ടികൾ പോഷണ വൈകല്യം അനുഭവിക്കുന്നുണ്ടെന്ന് കത്തോലിക്കാസഭയുടെ ഉപവിപ്രവർത്തന സംഘടനയായ കാരിത്താസ് ഇൻറർനാസിയൊണാലിസിൻറെ സെക്രട്ടറി ജനറൽ അലോഷ്യസ് ജോൺ ആശങ്ക പ്രകടിപ്പിച്ചു.

അനുവർഷം ശരാശരി 10 ലക്ഷം കുട്ടികൾ പോഷണക്കുറവു മൂലം മരണമടയുന്നുണ്ടെന്നു കണക്കാക്കപ്പെടുന്നു.