ലോക ബ്രെയില് ലിപി ദിനം!
ജോയി കരിവേലി, വത്തിക്കാന് സിറ്റി
അനുവര്ഷം ജനുവരി നാലിന് ലോക ബ്രൈയില് ദിനം ആചരിക്കപ്പെടുന്നു.
അന്ധരെ വായിക്കാനും എഴുതാനും പ്രാപ്തരാക്കുന്ന ബൈയില് ലിപിയുടെ ഉപജ്ഞാതാവായ ലൂയി ബ്രെയിലിന്റെ ജന്മദിനമാണ് ഈ ആചരണത്തിന് ഐക്യരാഷ്ട്രസഭ തിരഞ്ഞെടുത്തിരിക്കുന്നത്.
അദ്ദേഹത്തിന്റെ തന്നെ നാമത്തിലാണ് ഈ ലിപി അറിയപ്പെടുന്നത്.
1809 ജനുവരി 4-ന് ഫ്രാന്സിലെ കുപ്റൈയിലാണ് ലൂയി ബ്രെയില് ജനിച്ചത്.
അദ്ദേഹം കണ്ടുപടിച്ച ഈ ലിപി സമ്പ്രദായം അന്ധരുടെയും ഭാഗികമായി കാഴ്ചയുള്ളവരുടെയും മൗലികാവകാശങ്ങളുടെ സമ്പൂര്ണ്ണ സാക്ഷാത്ക്കാരത്തില് വഹിച്ചിട്ടുള്ള പ്രാധാന്യം അടിവരയിട്ടു കാണിക്കുന്നതിനാണ് ഈ ദിനാചരണം.
2019-ലാണ് ഐക്യരാഷ്ട്രസഭയുടെ ആഭിമുഖ്യത്തില് അന്താരാഷ്ട്ര ബെയില് ലിപി ദിനാചരണം ആരംഭിച്ചത്.
ഐക്യരാഷ്ട്രസഭയുടെ കണക്കനുസരിച്ച് ലോകത്തില് അന്ധരുടെ സംഖ്യ 3 കോടി 60 ലക്ഷമാണ്. ഭാഗികാന്ധരുടെ എണ്ണം 21 കോടി 60 ലക്ഷം വരും.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: