പാപ്പായുടെ സഹായവുമായി കർദ്ദിനാൾ കൊൺറാട് ക്രയേവ്സ്കി വീണ്ടും ഉക്രൈയിനിൽ!

ജോയി കരിവേലി, വത്തിക്കാൻ സിറ്റി

പാപ്പായുടെ ദാനധർമ്മാദി കാര്യങ്ങൾക്കായുള്ള വിഭാഗത്തിൻറെ തലവൻ കർദ്ദിനാൾ കൊൺറാട് ക്രയേവ്സ്കി പാപ്പായുടെ മാനവിക സഹായവുമായി ഉക്രൈയിനിലെ ല് വീവിൽ (Lviv) എത്തി.

തിങ്കളാഴ്ച (19/12/22) ഒരു വണ്ടി നിറയെ വൈദ്യുതിയുല്പാദന യന്ത്രങ്ങളായ ജനറേറ്ററുകൾ ചൂടുവസ്ത്രങ്ങൾ എന്നിവയുമായിട്ടാണ് അദ്ദേഹം അവിടെ എത്തിയത്.

കർദ്ദിനാൾ ക്രയേവ്സ്കി സപ്പൊറിഷ്യ, ഓഡീസ, കിയേവ്, തുടങ്ങിയ വിവിധ പ്രദേശങ്ങളിൽ ഈ സഹായം എത്തിക്കും. യുദ്ധം വിതച്ചുകൊണ്ടിരിക്കുന്ന യാതനകളനുഭവിക്കുന്ന ജനതയോടുള്ള ഫ്രാൻസീസ് പാപ്പായുടെ സവിശേഷ സാമീപ്യത്തിൻറെ അടയാളമാണ് ഈ സഹായം.