ടാൻസാനിയയിലെ കത്തോലിക്കാ മഹിളാ സംഘടനയ്ക്ക് പാപ്പായുടെ ആശംസകൾ!

ജോയി കരിവേലി, വത്തിക്കാൻ സിറ്റി

ആഫ്രിക്കൻ നാടായ ടാൻസാനിയായിലെ കത്തോലിക്കാ വനിതാ സംഘടനയ്ക്ക് (WAWATA) പാപ്പാ ആശംസകൾ നേർന്നു.

വ്വാവ്വറ്റ (WAWATA)  എന്ന ചുരുക്കസംജ്ഞയിൽ അറിയപ്പെടുന്ന ഈ സംഘടനയുടെ അമ്പതാം വാർഷികത്തോടനുബന്ധിച്ചാണ് ഫ്രാൻസീസ് പാപ്പായ്ക്കുവണ്ടി ഒപ്പുവച്ച് വത്തിക്കാൻ സംസ്ഥാന കാര്യാലയത്തിലെ പൊതുകാര്യവകുപ്പിൻറെ ചുമതലയുള്ള ആർച്ചുബിഷപ്പ് എഡ്ഗർ പേഞ്ഞ പാറ (Edgar Peña Parra) ഈ ആശംസാ സന്ദേശം അയച്ചത്.

ടാൻസാനിയായിലെ കത്തോലിക്കാ വനിതാ സംഘടനയ്ക്കും അതിൻറെ അമ്പതാം സ്ഥാപന വാർഷികത്തോടനുബന്ധിച്ച് സമ്മേളിച്ചിരിക്കുന്ന എല്ലാവർക്കും മാർപ്പാപ്പാ തൻറെ ആശീർവ്വാദം നല്കുകയും ക്രിസ്തുവിനോടുള്ള സ്നേഹത്തിൽ ഈ സംഘടനാംഗങ്ങൾ കാഴ്ചവയ്ക്കുന്ന സേവനങ്ങൾ ദൈവരാജ്യവളർച്ചയ്ക്ക് എന്നും സംഭാവനയേകട്ടെയെന്ന് ആശംസിക്കുകയും ചെയ്യുന്നുവെന്ന് ആർച്ചുബിഷപ്പ് എഡ്ഗർ പാറ അറിയിക്കുന്നു.

ആഗോള കത്തോലിക്കാ മഹിളാ സംഘടനയുടെ (WUCWO) പ്രാദേശിക ഘടകമാണ് വ്വാവ്വറ്റ.