തിരയുക

Vatican News
ബെനഡിക്ട് പതിനാറാമൻ ജർമ്മനിയിൽ നിന്നും തിരിച്ചെത്തുന്നു... ബെനഡിക്ട് പതിനാറാമൻ ജർമ്മനിയിൽ നിന്നും തിരിച്ചെത്തുന്നു... 

ബെനഡിക്ട് പതിനാറാമൻ പാപ്പാ വത്തിക്കാനിൽ തിരിച്ചെത്തി

രോഗിയായ തന്റെസഹോദരനോടൊപ്പം ജര്‍മ്മനിയില്‍ കുറച്ചു ദിവസം ചിലവഴിച്ച ശേഷം ബെനഡിക്ട് പതിനാറാമൻ ജൂണ്‍ 21 ഉച്ചയ്ക്ക് വത്തിക്കാനിൽ തിരിച്ചെത്തി.

സി.റൂബിനി സി.റ്റി.സി, വത്തിക്കാന്‍ ന്യൂസ്

ഈ ദിവസങ്ങളിൽ താമസിച്ചിരുന്ന റേഗൻസ്ബർഗ്ഗ് സെമിനാരിയിൽ നിന്ന് മോണക്കോ ദി ബബിയെരാ വിമാനത്താവളത്തിലെത്തിയ അദ്ദേഹം  ഉച്ചയ്ക്ക് ഒരു മണിയോടെ റോമിൽ വിമാനമിറങ്ങി. 45 മിനിറ്റ്കൾക്ക് ശേഷ ബെനഡിക്ട് പതിനാറാമൻ പാപ്പാ, താന്‍ താമസിക്കുന്ന വത്തിക്കാനിലെ "മാതെർ എക്ളേസിയേ" ആശ്രമത്തിൽ  എത്തി.  

കഴിഞ്ഞ വ്യാഴാഴ്ച്ചയാണ് ബനഡിക്റ്റ് പതിനാറാമൻ മോണക്കോദി ബവിയരയിൽ എത്തിയത്.  മെത്രാനായ റുഡോൾഫ്  വോഡെർ ഹോൾസെർ അദ്ദേഹത്തെ സ്വീകരിച്ച് റേഗൻസ്ബർഗ് വരെ അനുയാത്ര ചെയ്തു. വിരമിച്ച പാപ്പയ്ക്ക് ഈ ദിവസങ്ങളിൽ പല പ്രാവശ്യം തന്റെ സഹോദരനെ സന്ദർശിക്കാനും, തന്റെ കുടുംബത്തിന് പ്രിയങ്കരമായ  ഇടങ്ങൾ, പ്രത്യേകിച്ച് മാതാപിതാക്കൾ അന്ത്യവിശ്രമം കൊള്ളുന്ന ത്സീഗെറ്റ്സ്ഡോർഫ് സിമിത്തേരിയും,  പെന്‍റിങ്ങിലുള്ള തങ്ങളുടെ വീടും, യൂണിവേഴ്സിറ്റിയിലെ പഠിപ്പിക്കലിന്റെ കാലത്ത് തനിക്ക് വാസമൊരുക്കിയ റേഗൻസ് ബർഗിന്റെപ്രാന്തപ്രദേശത്തെ യൂണിവേഴ്സിറ്റി മന്ദിരവും സന്ദർശിക്കാനുള്ള അവസരമുണ്ടായി. ഇപ്പോൾ ആ സ്ഥാപനം ബനഡിക്ട് പതിനാറാമന്റെ   പേരിലാണ് അറിയപ്പെടുന്നത്.

ഈ ദിവസങ്ങളിൽ  ജർമ്മനിയിലെ നൂൺഷിയോയായ ആർച്ച് ബിഷപ്പ് നിക്കോളാ എത്തെറോവിച്ച് ബെർലിനിൽ നിന്നെത്തി അദ്ദേഹവുമായി കൂടിക്കാഴ്ച്ച നടത്തിയിരുന്നു.

23 June 2020, 15:23