ഫ്രാൻസിസ് പാപ്പായുടെ മുഖ്യകാർമ്മികത്വത്തിൽ അനുരജ്ഞന കൂദാശ
തപസ്സു കാലത്തില് പരിശുദ്ധപിതാവിന്റെ മുഖ്യകാർമ്മികത്വത്തിൽ അനുരഞ്ജന കൂദാശ നടത്തപ്പെടും
സി.റൂബിനി സി.റ്റി.സി
മാർച്ച് മാസം 29 ആം തിയതി വെള്ളിയാഴ്ച വൈകിട്ട് 5 മണിക്ക് വത്തിക്കാനിലെ ബസിലിക്കയിൽ വച്ച് പരിശുദ്ധപിതാവിന്റെ മുഖ്യ കാർമ്മീകത്വത്തിൽ അനുരജ്ഞന കൂദാശ നടത്തപ്പെടും. അനുരജ്ഞനത്തിനായി അണയുന്ന വിശ്വാസികളുടെ കുമ്പസാരം കേൾക്കുകയും വ്യക്തിപരമായ പാപമോചനം നൽകുകയും ചെയ്യപ്പെടും.
ഈ തിരുക്കർമ്മത്തിൽ പങ്കുചേരുവാൻ ആഗ്രഹിക്കുന്ന കർദ്ദിനാള്മാരും, മെത്രാന്മാരും വൈദീകരും കൂദാശാ വസ്ത്രങ്ങളണിഞ്ഞ് അനുരജ്ഞന അൾത്താരയ്ക്കു സമീപം അവർക്കായി തയ്യാറാക്കിയിട്ടുള്ള സ്ഥലത്ത് 4 .30 നു എത്തിച്ചേരണമെന്ന് മാർപ്പാപ്പയുടെ ആഘോഷമായ ആരാധനാക്രമങ്ങളുടെ ഉത്തരവാദിത്വമുള്ള മോൺ. ഗ്വിഡോ മരീനി അറിയിച്ചു.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക:
16 March 2019, 11:19