ഭൂമിയുടെ പരിപാലന ദൗത്യം നിക്ഷിപ്തമായ ദൈവമക്കൾ നമ്മൾ!

ജോയി കരിവേലി, വത്തിക്കാൻ സിറ്റി

ഭൂമിയെ പരിപാലിക്കുകയെന്നത് ദൈവമക്കളായ സ്ത്രീപുരുഷന്മാരുടെ ധാർമ്മിക കടമയാണെന്ന് മാർപ്പാപ്പാ ഓർമ്മിപ്പിക്കുന്നു.

ഐക്യരാഷ്ട്രസഭയുടെ ആഭിമുഖ്യത്തിൽ അനുവർഷം ഏപ്രിൽ 22-ന് ആചരിക്കപ്പെടുന്ന ഭൗമദിനത്തോട് അനുബന്ധിച്ച് ശനിയാഴ്ച (22/04/23),   #ഭൗമദിനം (#EarthDay)   എന്ന ഹാഷ്ടാഗോടുകൂടി കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പായുടെ ഈ ഓർമ്മപ്പെടുത്തൽ ഉള്ളത്.

“സൃഷ്ടിയുടെ സംരക്ഷകരാകാനുള്ള ഉത്തരവാദിത്വം കർത്താവ് മനുഷ്യനെ ഏല്പിച്ചതായി ഉല്പത്തി പുസ്തകം നമ്മോടു പറയുന്നു (ഉൽപത്തി 2:15). ആകയാൽ, ഭൂമിയെ പരിപാലിക്കുകയെന്നത് ദൈവ മക്കളെന്ന നിലയിൽ എല്ലാ സ്ത്രീപുരുഷന്മാരുടെയും ഒരു ധാർമ്മിക കടമയാണ്. #ഭൗമദിനം #EarthDay ” എന്നാണ് പാപ്പാ ട്വിറ്ററിൽ കുറിച്ചിരിക്കുന്നത്.

വിവിധഭാഷകളിലായി 5 കോടി 35 ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Il libro della Genesi ci dice che il Signore affidò agli esseri umani la responsabilità di essere custodi del creato (Gen 2, 15). Perciò, la cura della Terra è un obbligo morale per tutti gli uomini e le donne in quanto figli di Dio. #GiornatadellaTerra #EarthDay @EarthDayItalia

EN: The Book of Genesis tells us that the Lord entrusted human beings with the responsibility of being stewards of creation (Gen 2:15). Care for the Earth, then, is a moral obligation for all men and women as children of God. #EarthDay @EarthDayItaly