പാപ്പാ പ്രാർത്ഥിക്കുന്നു: ഉക്രൈയിനു സമാധാനം സംലഭ്യമാകട്ടെ!

ജോയി കരിവേലി, വത്തിക്കാൻ സിറ്റി

യുദ്ധം തകർത്തു തരിപ്പണമാക്കിക്കൊണ്ടിരിക്കുന്ന ഉക്രൈയിനു വേണ്ടിയുള്ള സമാധാനാഭ്യർത്ഥന മാർപ്പാപ്പാ നവീകരിക്കുന്നു.

ആദ്യ നിണസാക്ഷിയായ വിശുദ്ധ സ്തെഫാനോസിൻറെ തിരുന്നാൾദിനമായിരുന്ന തിങ്കളാഴ്‌ച (26/12/22) “സമാധാനം” (#peace) എന്ന ഹാഷ്ടാഗോടുകൂടി കുറിച്ച ട്വിറ്റർ സന്ദേശത്തിലാണ് ഫ്രാൻസീസ് പാപ്പാ യുദ്ധം പിച്ചിച്ചീന്തുന്ന ഉക്രൈയിനെയും യാതനയനുഭവിക്കുന്ന ആ ജനതയെയും ഒരിക്കൽ കൂടി അനുസ്മരിച്ചത്.

“എൻറെ സമാധാനാശംസ ഞാൻ നവീകരിക്കുന്നു: കുടുംബങ്ങളിൽ സമാധാനം ഉണ്ടാകട്ടെ, ഇടവകയിലും മതസമൂഹങ്ങളിലും സമാധാനം ഉണ്ടാകട്ടെ, പ്രസ്ഥാനങ്ങൾക്കും സംഘടനകൾക്കും സമാധാനം, യുദ്ധത്താൽ പീഡിതരായ ജനങ്ങൾക്ക് സമാധാനം, പ്രിയപ്പെട്ട, തകർക്കപ്പെടുന്ന, ഉക്രൈയിന് സമാധാനം ഉണ്ടാകട്ടെ” എന്നാണ് പാപ്പാ ട്വിറ്ററിൽ കുറിച്ചത്.

വിവിധഭാഷകളിലായി 5 കോടി 35ലക്ഷത്തിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT:  Rinnovo il mio augurio di #pace: pace nelle famiglie, pace nelle comunità parrocchiali e religiose, pace nei movimenti e nelle associazioni, pace per quelle popolazioni tormentate dalla guerra, pace per la cara e martoriata Ucraina.   

EN: I reiterate my wish for #peace: peace in families, peace in parish and religious communities, peace in movements and associations, peace for those peoples tormented by war, peace for the dear and embattled Ukraine.