പാപ്പാ: ആഗമനകാലയാത്ര, സ്വീകരണത്തിൻറെയും സേവനത്തിൻറെയും ചെറു ചെയ്തികളിലൂടെ!

ജോയി കരിവേലി, വത്തിക്കാൻ സിറ്റി

ആഗമനകാല യാത്ര, സമാധനത്തിൻറെ നിരവധി ചെറു ചെയ്തികളിലൂടെയാണ് നടത്തുകയെന്ന് മാർപ്പാപ്പാ.

ചൊവ്വാഴ്ച (06/12/22) “ആഗമനകാലം” (#Advent), “സമാധാനം” (#peace)    എന്നീ ഹാഷ്ടാഗുകളോടുകൂടി കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പാ ഇത് പറഞ്ഞിരിക്കുന്നത്.

പാപ്പാ കുറിച്ചത് ഇങ്ങനെയാണ്:

“അനുദിനം     സമാധാനത്തിൻറെ അനേകം ചെറു ചെയ്തികളിലൂടെയാണ് ഒരുവൻ ആഗമനകാല യാത്ര നടത്തുക: അവ സ്വാഗതം ചെയ്യലിൻറെയും, മനസ്സിലാക്കലിൻറെയും, സാമീപ്യത്തിൻറെയും, ക്ഷമയുടെയും, സേവനത്തിൻറെയും പ്രവർത്തികളാണ്... ബെത്‌ലഹേമിലേക്കുള്ള, സമാധാനരാജാവായ യേശുവിങ്കലേക്കുള്ള ചുവടുകൾ പോലെ, ഹൃദയംകൊണ്ട് ചെയ്യുന്ന ചെയ്തികളാണ് അവ.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Il cammino dell’#Avvento si fa con tanti piccoli gesti di #pace, ogni giorno: gesti di accoglienza, di comprensione, di vicinanza, di perdono, di servizio… Gesti fatti con il cuore, come passi verso Betlemme, verso Gesù, Re della pace.

EN: I wish you all a good #Advent journey made up of many small gestures of #peace every day: welcoming gestures, gestures of understanding, closeness, forgiveness, and service... Gestures from the heart, like steps towards Bethlehem, towards Jesus, the King of peace.