പാപ്പാ: നമ്മുടെ ജീവിതത്തിൽ പ്രാർത്ഥനയുടെ പ്രാധാന്യം!

ജോയി കരിവേലി, വത്തിക്കാൻ സിറ്റി

ദൈവവുമായുള്ള നമ്മുടെ ബന്ധത്തിൽ ശരിയായ മാനം കണ്ടെത്താൻ പ്രാർത്ഥന നമ്മെ സഹായിക്കുന്നുവെന്ന് മാർപ്പാപ്പാ.

വെള്ളിയാഴ്‌ച (30/09/22) പ്രാർത്ഥന (#Prayer) എന്ന ഹാഷ്ടാഗോടുകൂടി കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പായുടെ ഈ ഉദ്ബോധനം ഉള്ളത്.

“മനുഷ്യരായ നമ്മൾ  ചിലപ്പോൾ സകലത്തിൻറെയും യജമാനന്മാരാണെന്ന് കരുതുന്നു, അതല്ലെങ്കിൽ, അതിനു വിപരീതമായി,  നമ്മുടെ സകല ആത്മാഭിമാനവും നഷ്ടപ്പെടുന്നു. നമ്മുടെ പിതാവായ ദൈവവുമായും സർവ്വ സൃഷ്ടികളുമായും ഉള്ള ബന്ധത്തിൽ ശരിയായ മാനം കണ്ടെത്താൻ # പ്രാർത്ഥന നമ്മെ സഹായിക്കുന്നു” എന്നാണ് പാപ്പാ ട്വിറ്ററിൽ കുറിച്ചത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: A volte noi esseri umani ci crediamo padroni di tutto, oppure al contrario perdiamo ogni stima di noi stessi. La #preghiera ci aiuta a ritrovare la giusta dimensione, nella relazione con Dio, nostro Padre, e con tutto il creato.

EN: Sometimes we human beings believe that we are the masters of everything, or on the contrary, we lose all self-esteem. #Prayer helps us to find the right dimension in our relationship with God, our Father, and with all Creation.