പാപ്പാ: ആയുധങ്ങൾ നിശബ്ദമായാൽ സമാധാനം സംസ്ഥാപിതമാകും

സി. റൂബിനി സി.റ്റി.സി, വത്തിക്കാന്‍ ന്യൂസ്

"ആയുധങ്ങൾ നിശബ്ദമാകുകയും സംവാദം ആരംഭിക്കുകയും ചെയ്യുമ്പോൾ # സമാധാനം സാധ്യമാണെന്ന് മറക്കരുത്! യുക്രെയിനിലെ ദുരിതമനുഭവിക്കുന്ന ജനങ്ങൾക്കുവേണ്ടിയും യുദ്ധത്തിൽ രക്തം ചിന്തിക്കൊണ്ടിരിക്കുന്ന എല്ലാ ദേശങ്ങളുടേയും സമാധാനത്തിനു വേണ്ടിയും പ്രാർത്ഥിക്കുന്നത്  നമുക്ക് തുടരാം."

സെപ്റ്റംബർ പതിനെട്ടാം തിയതി ഇറ്റാലിയൻ, ഇഗ്ലീഷ്, സ്പാനിഷ്, പോർച്ചുഗീസ്, ഫ്രഞ്ച്, ജർമ്മൻ,ലാറ്റിൻ എന്ന ഭാഷകളിൽ #Peace എന്ന ഹാഷ്ടാഗോടു കൂടി പാപ്പാ തന്റെ ട്വിറ്റർ സന്ദേശം പങ്കുവച്ചു. 

ലോകത്തിന്റെ വിവിധഭാഗങ്ങളിൽ നിന്നുള്ള നാല് കോടിയിലേറെവരുന്ന ട്വിറ്റര്‍ അനുയായികളാൽ പാപ്പാ പങ്കുവയ്ക്കുന്ന ട്വിറ്റര്‍ സന്ദേശങ്ങള്‍ വായിക്കപ്പെടുന്നു.