പാപ്പാ : യുക്രേനിയൻ ജനതയ്ക്കായി പ്രാർത്ഥിക്കാം

സി. റൂബിനി സി.റ്റി.സി, വത്തിക്കാന്‍ ന്യൂസ്

"കർത്താവ് അവർക്ക് ആശ്വാസവും പ്രത്യാശയും നൽകുന്നതിന് യുക്രേനിയൻ ജനതയ്ക്കുവേണ്ടി നമുക്ക് #ഒരുമിച്ച് പ്രാർത്ഥിക്കാം. ഈ ദിവസങ്ങളിൽ, പാപ്പയുടെയും സഭയുടെയും സാമീപ്യത്തിന് മൂർത്തമായ സാക്ഷ്യം വഹിക്കാൻ കർദ്ദിനാൾ ക്രെയെവ്സ്കി യുക്രെയ്നിലുണ്ട്."

സെപ്റ്റംബർ പതിനൊന്നാം തിയതി ഞായറാഴ്ച #PrayTogether എന്ന ഹാഷ്ടാഗോടു കൂടി ഇറ്റാലിയൻ,സ്പാനിഷ്, പോർച്ചുഗീസ്, ഫ്രഞ്ച്, ജർമൻ, ഇംഗ്ലീഷ്, പോളീഷ് എന്നീ ഭാഷകളിൽ പാപ്പാ തന്റെ ട്വിറ്റർ  സന്ദേശം പങ്കുവെച്ചു.

ലോകത്തിന്റെ വിവിധഭാഗങ്ങളിൽ നിന്നുള്ള നാല് കോടിയിലേറെവരുന്ന ട്വിറ്റര്‍ അനുയായികളാൽ പാപ്പാ പങ്കുവയ്ക്കുന്ന ട്വിറ്റര്‍ സന്ദേശങ്ങള്‍ വായിക്കപ്പെടുന്നു.