പാപ്പാ, തെക്കെ ഇറ്റലിയിലെ മത്തേറയിലേക്ക്!

സെപ്റ്റംബർ 25 -ന് ഞായറാഴ്ച (25/09/22) മാർപ്പാപ്പാ തെക്കെ ഇറ്റലിയിലെ മത്തേറ സന്ദർശിക്കും.

അവിടെ 22-ന് ആരംഭിച്ച ചതുർദിന ഇരുപത്തിയേഴാം ദേശീയ ദിവ്യകാരുണ്യ കോൺഗ്രസ്സിന് സമാപനം കുറിക്കുകയാണ് ഫ്രാൻസീസ് പാപ്പായുടെ ഈ അപ്പൊസ്തോലികയാത്രയുടെ മുഖ്യ ലക്ഷ്യം.

"നമുക്ക് അപ്പത്തിൻറെ രുചിയിലേക്കു മടങ്ങാം- ദിവ്യകാരുണ്യ സഭയ്ക്കും സിനഡാത്മക സഭയ്ക്കും വേണ്ടി"  എന്ന വിചിന്തന പ്രമേയം സ്വീകരിച്ചിരിക്കുന്ന ഈ ദിവ്യകാരുണ്യ കോൺഗ്രസ്സിൽ ഇറ്റലിയിലെ 166 രൂപതകളിൽ നിന്നായി എണ്ണൂറോളം പ്രതിനിധികൾ പങ്കെടുക്കുന്നുണ്ട്.

പ്രാദേശിക സമയം രാവിലെ 9 മണിക്ക് പാപ്പാ ദിവ്യകാരുണ്യകോൺഗ്രസ്സിൻറെ സമാപനം കുറിക്കുന്ന സാഘോഷമായ സമൂഹ ദ്യവ്യബലിയിൽ മുഖ്യകാർമ്മിത്വം വഹിക്കും. ഉച്ചയ്ക്ക് പാപ്പാ വത്തിക്കാനിൽ തിരിച്ചെത്തും.