മാർപ്പാപ്പാ മാദ്ധ്യമ പ്രവർത്തകരോട് കൃതജ്ഞത പ്രകാശിപ്പിക്കുന്നു!

ജോയി കരിവേലി, വത്തിക്കാൻ സിറ്റി

മാദ്ധ്യമപ്രവർത്തകർക്കായി പ്രാർത്ഥിക്കാൻ മാർപ്പാപ്പാ ക്ഷണിക്കുന്നു.

ഐക്യരാഷ്ട്രസഭയുടെ ആഭിമുഖ്യത്തിൽ അച്ചടിസ്വാതന്ത്ര്യദിനം ആചരിക്കുന്ന മെയ് 3-ന് അതായത്, ഈ ചൊവ്വാഴ്‌ച (03/05/22) “പത്രസ്വാതന്ത്ര്യദിനം” (#PressFreedom Day), “ഒരുമിച്ചുപ്രാർത്ഥിക്കാം” (#PrayTogether) എന്നീ ഹാഷ്ടാഗുകളോടുകൂടി കണ്ണിചേർത്ത ട്വിറ്റർ സന്ദേശത്തിലാണ് ഫ്രാൻസീസ് പാപ്പായുടെ ഈ ക്ഷണമുള്ളത്.

“പത്രസ്വാതന്ത്ര്യാവകാശം സംരക്ഷിക്കുന്നതിന് ജീവൻ വിലകൊടുക്കുകയോ തടവനുഭവിക്കുകയോ ചെയ്ത മാദ്ധ്യമപ്രവർത്തകർക്കു വേണ്ടി ഈ ലോക പത്രസ്വാതന്ത്ര്യ ദിനത്തിൽ നമുക്ക് ഒരുമിച്ചു പ്രാർത്ഥിക്കാം. മാനവരാശിക്കേറ്റ മുറിവുകളെക്കുറിച്ച് നമ്മെ ധീരതയോടെ അറിയിക്കുന്ന അവർക്കെല്ലാവർക്കും പ്രത്യേക നന്ദി”  എന്നാണ് പാപ്പാ ട്വിറ്ററിൽ കുറിച്ചത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: In questa Giornata della #LibertàdiStampa, #PreghiamoInsieme per i giornalisti che hanno pagato di persona, con la vita o con il carcere, per servire questo diritto. Un grazie speciale a quanti di loro, con coraggio, ci informano sulle piaghe dell’umanità.

EN: On this World #PressFreedom Day, let us #PrayTogether for the journalists who pay in person, with their lives or imprisonment, to serve this right. Special thanks to those who courageously inform us of the wounds of humanity.