പാപ്പാ: ക്രൈസ്തവർ മാർഗ്ഗദീപമായ താരാഗണമാകുക!

ജോയി കരിവേലി, വത്തിക്കാൻ സിറ്റി

ക്രൈസ്തവൻ ദൈവത്തിൻറെ ഹൃത്തിൽ താരമായി വിരാജിക്കുന്നുവെന്ന് മാർപ്പാപ്പാ.

വെള്ളിയാഴ്‌ച (06/05/22) കണ്ണി ചേർത്ത രണ്ടു ട്വിറ്റർസന്ദേശങ്ങളിൽ “ദൈവവിളി” (#vocation) എന്ന ഹാഷ്ടാഗോടുകൂടി കുറിച്ച സന്ദേശത്തിലാണ് ഫ്രാൻസീസ് പാപ്പാ ക്രൈസ്തവൻറെ വിളിയെക്കുറിച്ചു സൂചിപ്പിച്ചുകൊണ്ട് ഇപ്രകാരം ഓർമ്മിപ്പിച്ചിരിക്കുന്നത്.

“ക്രൈസ്തവരെന്ന നിലയിൽ നാം ഓരോരുത്തരും വ്യക്തിപരമായും ഒരുമിച്ചും ദൈവനിയോഗത്താൽ വിളിക്കപ്പെട്ടിരിക്കുന്നു: നാം ഓരോരുത്തരും ദൈവത്തിൻറെ ഹൃദയത്തിൽ നക്ഷത്രമായി വിളങ്ങുന്നു, എന്നാൽ നമ്മൾ മാനവരാശിയുടെ യാത്രയിൽ വഴികാട്ടുന്ന താരവൃന്ദമാകാൻ വിളിക്കപ്പെട്ടിരിക്കുന്നു” എന്നാണ് പാപ്പാ കുറിച്ചത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Come cristiani, siamo chiamati ognuno personalmente da una #vocazione, ma anche con-vocati: brilliamo ciascuno come una stella nel cuore di Dio, ma siamo chiamati a comporre insieme delle costellazioni che orientino il cammino dell’umanità.

EN: As Christians, we are individually called to a #vocation, but also called together. Each of us shines like a star in the heart of God, but we are called to form constellations that can guide the path of humanity.