ദൈവിക കരുണയും മാനവ രക്ഷയും!

ജോയി കരിവേലി, വത്തിക്കാൻ സിറ്റി

രക്ഷ നമ്മിൽ പ്രവർത്തനനിരതമാകണമെങ്കിൽ ദൈവികകാരുണ്യം ആവശ്യമാണെന്ന് മാർപ്പാപ്പാ.

ഉയിർപ്പുഞായർ കഴിഞ്ഞുവരുന്ന ആദ്യഞായർ, അതായത്, ഇക്കൊല്ലം ഈ 24-ഞായർ, ദൈവികകാരുണ്യത്തിനു പ്രതിഷ്ഠിതമാകയാൽ ശനിയാഴ്‌ച (23/04/22) “ദൈവികകാരുണ്യം” (#DivineMercy) എന്ന ഹാഷ്ടാഗോടുകൂടി ഫ്രാൻസീസ് പാപ്പാ കണ്ണിചേർത്ത ട്വിറ്റർ സന്ദേശത്തിലാണ് ഈ ഉദ്ബോധനം ഉള്ളത്.

പാപ്പാ കുറിച്ച പ്രസ്തുത ട്വിറ്റർ സന്ദേശം ഇപ്രകാരമാണ്:

“നമുക്ക് കാരുണ്യം ആവശ്യമാണെന്ന അവബോധം ഉണ്ടാകുന്നതിനുള്ള കൃപയ്ക്കായി പ്രാർത്ഥിക്കാം: അപ്രകാരം മാത്രമേ ദൈവത്തിൻറെ രക്ഷ നമ്മിൽ പ്രവർത്തനനിരതമാകുകയുള്ളൂ. #ദെവികകാരുണ്യം”.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Chiediamo la grazia di sentirci bisognosi di misericordia: solo così la salvezza di Dio agisce dentro di noi. #DivinaMisericordia

EN: Let us ask for the grace to feeling that we are in need of mercy: this is the only way that the salvation of God operates in us. #DivineMercy