യേശു കൂടെയുണ്ടെങ്കിൽ പ്രകാശമുണ്ടാകും: ഫ്രാൻസിസ് പാപ്പാ

മോൺസിഞ്ഞോർ ജോജി വടകര, വത്തിക്കാന്‍ സിറ്റി

ഉത്ഥിതനായ യേശു കൂടെയുണ്ടെങ്കിൽ നമ്മുടെ ജീവിതത്തിൽ പ്രകാശമുണ്ടാകുമെന്ന് ഫ്രാൻസിസ് പാപ്പാ. ഏപ്രിൽ 21-ന് ട്വിറ്ററിൽ കുറിച്ച സന്ദേശത്തിലൂടെയാണ് ക്രിസ്തു ജീവിതത്തിൽ പ്രകാശമേകുന്നുവെന്ന ചിന്ത പാപ്പാ പങ്കുവച്ചത്.

പാപ്പായുടെ ട്വിറ്റർ സന്ദേശത്തിന്റെ പരിഭാഷ ഇപ്രകാരമാണ്: "ഉത്ഥിതനായ യേശുവിനൊപ്പം ഒരു രാത്രിയും അനന്തമല്ല; അഗാധമായ ഇരുട്ടിൽ പോലും പ്രഭാത നക്ഷത്രം തിളങ്ങുന്നു.”

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

IT: Con Gesù, il Risorto, nessuna notte è infinita; e anche nel buio più fitto, brilla la stella del mattino.

EN: With Jesus, the Risen Lord, no night will last forever. Even in the darkest night, the morning star still shines.