ഉക്രൈനുവേണ്ടി പ്രാർത്ഥിക്കാം

 സി.റൂബിനി സി.റ്റി.സി, വത്തിക്കാൻ ന്യൂസ്

“സംഘർഷങ്ങൾ ആയുധങ്ങളാലല്ല ചർച്ചകളിലൂടെ പരിഹരിക്കപ്പെടട്ടെയെന്ന് പ്രിയപ്പെട്ട ഉക്രൈനുവേണ്ടി നമുക്ക് ഒരുമിച്ച് പ്രാർത്ഥിക്കാം. കഴിഞ്ഞ വർഷത്തേക്കാൾ കൂടുതൽ ആയുധങ്ങൾ ഈ വർഷം ഉണ്ടാക്കിയിട്ടുണ്ടെന്നത് എന്നെ വേദനിപ്പിക്കുന്നു. ആയുധങ്ങളല്ല മാർഗ്ഗം. ഈ വർഷത്തെ  കർത്താവിന്റെ പിറവി തിരുനാൾ  ഉക്രൈനിന് സമാധാനം കൊണ്ടുവരട്ടെ!”

#PrayTogether എന്ന ഹാഷ്ടാഗോടു കൂടി ഡിസംബർ  പതിമൂന്നാം തിയതി ഇറ്റാലിയൻ, ഇംഗ്ലീഷ്, സ്പാനിഷ്, ഫ്രഞ്ച്, പോർച്ചുഗീസ്, പോളിഷ്, ലാറ്റിൻ എന്നീ ഭാഷകളിൽ പാപ്പാ ട്വിറ്റർ സന്ദേശം പങ്കുവച്ചു.