പാപ്പാ: ശാന്തിയോന്മുഖമായി ഒരുമയോടെ ചരിക്കുക!

ജോയി കരിവേലി, വത്തിക്കാൻ സിറ്റി

നാം ദൈവനാമത്തിൽ സമാധാനം സംസ്ഥാപിക്കുന്നതിനുള്ള സരണിയിലാണെന്ന് മാർപ്പാപ്പാ.

“ഭാവിക്കായുള്ള സാഹോദര്യം” (#FraternityForFuture) എന്ന ഹാഷ്ടാഗോടുകൂടി  ഈ വെള്ളിയാഴ്‌ച (08/10/21)  കണ്ണിചേർത്ത ട്വിറ്റർസന്ദേശത്തിലാണ് ഫ്രാൻസീസ് പാപ്പാ ഇതു പറഞ്ഞിരിക്കുന്നത്. 

പാപ്പാ ട്വിറ്ററിൽ കുറിച്ചത് ഇങ്ങനെയാണ്:

“നാം സഹോദരങ്ങളാണെന്ന് തിരിച്ചറിഞ്ഞുകൊണ്ട്, നമ്മൾ, ദൈവത്തിൻറെ നാമത്തിൽ സമാധാനം പരിപോഷിപ്പിക്കാനുള്ള യാത്രയിലാണ്. ഭിന്നിപ്പിക്കാനും സംഘർഷങ്ങളുണ്ടാക്കാനും ആഗ്രഹിക്കുന്നവർ ഉള്ളപ്പോൾ, നാം വിശ്വസിക്കുന്നത് സമാധാനത്തിനായി ഒത്തൊരുമിച്ച് ചരിക്കേണ്ടതിൻറെ പ്രാധാന്യത്തിലാണ്: മറ്റുള്ളവരോടൊപ്പം, ഇനി ഒരിക്കലും പരസ്പരം എതിരല്ല. #സാഹോദര്യം ഭാവിയ്ക്കുവേണ്ടി”

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണ, അറബി, ലത്തീന്‍, ജര്‍മ്മന്‍, ഇറ്റാലിയന്‍,  ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

Siamo in questo cammino per coltivare la pace in nome di Dio, riconoscendoci fratelli. Se c’è chi vuole dividere e creare scontri, noi crediamo nell’importanza di camminare insieme per la #pace: gli uni con gli altri, mai più gli uni contro gli altri. #FraternityForFuture