ആരാണ് യഥാർത്ഥ തീർത്ഥാടകൻ?

ജോയി കരിവേലി, വത്തിക്കാൻ സിറ്റി

ഏറ്റവും മന്ദഗതിയിൽ നീങ്ങുന്നവനോടൊപ്പം ചരിക്കാൻ സാധിക്കുന്നവനാണ് യഥാർത്ഥ തീർത്ഥാടകൻ എന്ന് മാർപ്പാപ്പാ.

ഈ ശനിയാഴ്ച (25/07/20) സാമൂഹ്യവിനിമയ ശൃംഖലകയിൽ ഒന്നായ ട്വിറ്ററിൽ  കണ്ണിചേർത്ത സന്ദേശത്തിലാണ് ഫ്രാൻസീസ് പാപ്പായുടെ ഈ ഉദ്ബോധനമുള്ളത്.

പാപ്പാ കുറിച്ചിരിക്കുന്നത് ഇങ്ങനെയാണ്: “ഏറ്റവും സാവധാനം ചുവടുവയ്ക്കുന്ന വ്യക്തിയോടൊപ്പം നടക്കാൻ കഴിയുന്നയാളാണ് യഥാർത്ഥ തീർത്ഥാടകൻ. യേശുവിന് ഇത് സാധിക്കും. അവിടന്ന് നമ്മുടെ സഹയാത്രികനാണ്. യേശു ചുവടുകൾക്ക് വേഗത കൂട്ടില്ല, അവിടന്ന് നമ്മുടെ അവസ്ഥ മനസ്സിലാക്കുന്നു. അവിടന്ന് ക്ഷമയുടെ കർത്താവാണ്”.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍അനുയായികളുള്ള പാപ്പാ കണ്ണിചേര്‍ക്കുന്ന ട്വിറ്റര്‍സന്ദേശങ്ങള്‍, സാധാരണയായി, അറബി, ലത്തീന്‍, ജര്‍മ്മന്‍ഇറ്റാലിയന്‍,  ഇംഗ്ളീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ലഭ്യമാണ്.