സകലവിശുദ്ധരുടെയും ഓര്മ്മ!
ജോയി കരിവേലി, വത്തിക്കാന് സിറ്റി
വിശുദ്ധരുടെ ഓര്മ്മയാചരണം സ്വര്ഗ്ഗത്തിലേക്കു കണ്ണുകള് ഉയര്ത്താന് നമുക്ക് പ്രചോദനമേകുന്നുവെന്ന് മാര്പ്പാപ്പാ.
സകല വിശുദ്ധരുടെയും തിരുന്നാള് ദിനമായിരുന്ന നവമ്പര് ഒന്ന്, വെള്ളിയാഴ്ച, (01/11/2019) “സകലവിശുദ്ധരുടെയുംദിവസം” (#ALLSaintsDay) എന്ന ഹാഷ്ടാഗോടുകൂടി കണ്ണിചേര്ത്ത ട്വിറ്റര് സന്ദേശത്തിലാണ് ഫ്രാന്സീസ് പാപ്പാ ഇതു പറഞ്ഞിരിക്കുന്നത്.
"വിശുദ്ധരുടെ ഓര്മ്മയാചരണം, സ്വര്ഗ്ഗത്തിലേക്കു നയനങ്ങള് ഉയര്ത്താന് നമുക്കു പ്രചോദനമേകുന്നു: അത് ഭൗമിക യാഥാര്ത്ഥ്യങ്ങളെ വിസ്മരിക്കാനല്ല, പ്രത്യുത, അവയെ ധീരതയോടും പ്രത്യാശയോടും കൂടി നേരിടുന്നതിനാണ്" എന്നാണ് പാപ്പാ ട്വിറ്ററില് കുറിച്ചിരിക്കുന്നത്.
വിവിധഭാഷകളിലായി 4 കോടിയിലേറെവരുന്ന ട്വിറ്റര് അനുയായികളുള്ള പാപ്പാ കുറിക്കുന്ന ട്വിറ്റര് സന്ദേശങ്ങള്, സാധാരണ, അറബി, ലത്തീന്, ജര്മ്മന് ഇറ്റാലിയന്, ഇംഗ്ലീഷ്, സ്പാനിഷ്, പോളിഷ്, പോര്ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില് ലഭ്യമാണ്.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: