തിരയുക

ഫ്രാന്‍സീസ് പാപ്പാ ഫ്രാന്‍സീസ് പാപ്പാ 

വിശുദ്ധ ലൂക്കായുടെ തിരുന്നാള്‍!

പാപ്പായുടെ ട്വീറ്റ്

ജോയി കരിവേലി, വത്തിക്കാന്‍ സിറ്റി

ക്രൈസ്തവരായിരിക്കുന്നതിലുള്ള ആനന്ദം വീണ്ടും കണ്ടെത്താന്‍ വിശുദ്ധ ലൂക്കാ നമ്മെ സഹായിക്കട്ടെയെന്ന് മാര്‍പ്പാപ്പാ.

സുവിശേഷകനായ വിശുദ്ധ ലൂക്കായുടെ തിരുന്നാള്‍ ദിനത്തില്‍, അതായത്, വെള്ളിയാഴ്ച (18/10/19), “ഇന്നത്തെവിശുദ്ധന്‍” (#Saintoftheday) എന്ന ഹാഷ്ടാഗോടുകൂടി  കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സീസ് പാപ്പായുടെ ഈ ഉദ്ബോധനമുള്ളത്.

“യേശുവിന്‍റെ ചിത്തവും അവിടത്തെ കാരുണ്യവും നമുക്ക് വെളിപ്പെടുത്തിത്തരുന്ന വിശുദ്ധ ലൂക്കാ, ക്രിസ്ത്യാനികള്‍, കര്‍ത്താവിന്‍റെ മനോഗുണത്തിന്‍റെ സാക്ഷികള്‍, ആയിരിക്കുന്നതിലുള്ള ആനന്ദം വീണ്ടും കണ്ടെത്താന്‍ നമ്മെ സഹായിക്കട്ടെ”        എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.

വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍, സാധാരണയായി, അറബി, ലത്തീന്‍, ജര്‍മ്മന്‍ ഇറ്റാലിയന്‍,  ഇംഗ്ളീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.

 

വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്‌ത്‌ വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക:

18 October 2019, 13:41