അനശ്വരജീവന്‍ പ്രാപിക്കാന്‍.........
ജോയി കരിവേലി, വത്തിക്കാന്‍ സിറ്റി
സ്നേഹത്തിന്‍റെ സരണിയിലൂടെ സഞ്ചരിച്ചാല്‍ നാം സന്തോഷമനുഭവിക്കുമെന്ന് പാപ്പാ
ശനിയാഴ്ച (13/04/19) നോമ്പ് (#LENT)എന്ന ഹാഷ്ടാഗോടുകൂടി കണ്ണിചേര്‍ത്ത ട്വിറ്റര്‍ സന്ദേശത്തിലാണ് ഫ്രാന്‍സീസ് പാപ്പായുടെ ഈ ഉദ്ബോധനമുള്ളത്.
പാപ്പായുടെ പ്രസ്തുത സന്ദേശത്തിന്‍റെ പൂര്‍ണ്ണരൂപം ഇപ്രകാരമാണ്:
“നാം നമ്മുടെ ബലഹീനതകളോടുകൂടി കര്‍ത്താവിന്‍റെ പക്കലേക്കു തിരിച്ചുപോകുകയും സ്നേഹത്തിന്‍റെ പാതയില്‍ ചരിക്കുകയും ചെയ്യുന്ന പക്ഷം നമുക്ക് അനശ്വര ജീവനെ പുല്‍കാന്‍ സാധിക്കും. അങ്ങനെ നാം ആനന്ദമനുഭവിക്കുകയും ചെയ്യും. #നോമ്പ്”
വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍ അറബി, ലത്തീന്‍, ജര്‍മ്മന്‍ ഇറ്റാലിയന്‍, ഇംഗ്ലീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്‌ത്‌ വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക:
