സ്വന്തം തെറ്റ് മനസ്സിലാക്കുന്നതിന് കൃപയ്ക്കായി പ്രാര്‍ത്ഥിക്കുക!
ജോയി കരിവേലി, വത്തിക്കാന്‍ സിറ്റി
സ്വയം രക്ഷിക്കാനും കീര്‍ത്തിനേടാനുമുള്ള പ്രലോഭനത്തില്‍ നിന്നു നമ്മെ വിമോചിപ്പിക്കാന്‍ പാപ്പാ കര്‍ത്താവിനോടു പ്രാര്‍ത്ഥിക്കുന്നു.
“ കിശോര സംരക്ഷണം സഭയില്‍” എന്ന വിഷയത്തെ അധികരിച്ച് വത്തിക്കാനില്‍ സംഘടിപ്പിക്കപ്പെട്ടിരിക്കുന്ന, കത്തോലിക്കാമെത്രാന്‍ സംഘങ്ങളുടെ തലവന്മാരുടെ സമ്മേളനവുമായി ബന്ധപ്പെടുത്തി വെള്ളിയാഴ്ച (22/02/19) പിബിസി2019 (#PBC2019)എന്ന ഹാഷ്ടാഗോടുകൂടി കണ്ണിചേര്‍ത്ത സന്ദേശത്തിലാണ് ഫ്രാന്‍സീസ് പാപ്പായുടെ ഈ പ്രാര്‍ത്ഥനയുള്ളത്.
“കര്‍ത്താവേ, ഞങ്ങളെത്തന്നെയും ഞങ്ങളുടെ കീര്‍ത്തിയെയും കാത്തുസൂക്ഷിക്കാനുള്ള പ്രലോഭനത്തില്‍ നിന്ന് ഞങ്ങളെ വിമുക്തരാക്കണമേ; തെറ്റ് അംഗീകരിക്കാനും അഖില ദൈവജനത്തോടുള്ള കൂട്ടായ്മയില്‍, എളിയതും സമൂര്‍ത്തവുമായ ഉത്തരം തേടാനും ഞങ്ങളെ സഹായിക്കണമേ.#പിബിസി2019” എന്നാണ് പാപ്പാ ട്വിറ്ററില്‍ കുറിച്ചിരിക്കുന്നത്.
വിവിധഭാഷകളിലായി 4 കോടിയിലേറെവരുന്ന ട്വിറ്റര്‍ അനുയായികളുള്ള പാപ്പാ കുറിക്കുന്ന ട്വിറ്റര്‍ സന്ദേശങ്ങള്‍ അറബി, ലത്തീന്‍, ജര്‍മ്മന്‍ ഇറ്റാലിയന്‍, ഇംഗ്ളീഷ്, സ്പാനിഷ്, പോളിഷ്, പോര്‍ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില്‍ ലഭ്യമാണ്.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്‌ത്‌ വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക:
