വിശ്വസ്തതയും മാനുഷിക ബന്ധങ്ങളും!
ജോയി കരിവേലി, വത്തിക്കാന് സിറ്റി
വിശ്വസ്തത, മാനുഷിക ബന്ധങ്ങളുടെ അനിവാര്യവ്യവസ്ഥയാണെന്ന് പാപ്പാ ഓര്മ്മിപ്പിക്കുന്നു.
ഈ ചൊവ്വാഴ്ച (20/11/18) കുറിച്ച ട്വിറ്റര് സന്ദേശത്തിലാണ് ഫ്രാന്സീസ് പാപ്പാ ഈ
തിരിച്ചറിവുണ്ടായിരിക്കേണ്ടതിനെക്കുറിച്ച് പരാമര്ശിച്ചിരിക്കുന്നത്.
“വിശ്വസ്തതയാണ് സ്വതന്ത്രവും പക്വവും ഉത്തരവാദിത്വപൂര്ണ്ണവുമായ മാനുഷികബന്ധങ്ങളുടെ സവിശേഷ സ്വഭാവം” എന്നാണ് പാപ്പാ ട്വിറ്ററില് കണ്ണിചേര്ത്തിരിക്കുന്നത്.
വിവിധഭാഷകളിലായി 4 കോടിയിലേറെവരുന്ന ട്വിറ്റര് അനുയായികളുള്ള പാപ്പാ കുറിക്കുന്ന ട്വിറ്റര് സന്ദേശങ്ങള് അറബി, ലത്തീന്, ജര്മ്മന്, ഇറ്റാലിയന്, ഇംഗ്ളീഷ്, സ്പാനിഷ്, പോളിഷ്, പോര്ച്ചുഗീസ്, ഫ്രഞ്ച്, എന്നിങ്ങനെ 9 ഭാഷകളില് ലഭ്യമാണ്.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: