പാപ്പായുടെ ഇടയസന്ദര്ശനം: മൊറോക്കൊയിലേക്ക്
ജോയി കരിവേലി, വത്തിക്കാന് സിറ്റി
ഫ്രാന്സീസ് പാപ്പാ ഉത്തരാഫ്രിക്കന് മുസ്ലീം രാജ്യമായ മൊറോക്കൊ സന്ദര്ശിക്കും.
2019 മാര്ച്ച് 30-31 തീയതികളിലായിരിക്കും ഈ ഇടയസന്ദര്ശനമെന്ന് പരിശുദ്ധസിംഹാസനത്തിന്റെ വാര്ത്താവിനിമയ കാര്യാലയത്തിന്റെ (പ്രസ്സ് ഓഫീസ്) മേധാവി ഗ്രെഗ് ബര്ക്ക് ചെവ്വാഴ്ച (13/11/18) ഒരു പ്രസ്താവനയില് വെളിപ്പെടുത്തി.
മൊറോക്കൊയുടെ രാജാവ് മൊഹമ്മദ് ആറാമന്റെയും പ്രാദേശിക കത്തോലിക്കാമെത്രാന്മാരുടെയും ക്ഷണപ്രകാരമാണ് പാപ്പാ അന്നാട് സന്ദര്ശിക്കുകയെന്ന് അദ്ദേഹം വ്യക്തമാക്കി.
മൊറോക്കൊയുടെ തലസ്ഥാനമായ റബാത്തും അന്നാട്ടിലെ ഏറ്റവും വലിയ നഗരമായ കാസബ്ലാങ്കയും ആയിരിക്കും പാപ്പായുടെ സന്ദര്ശന വേദികള്.
2017 ലെ കണക്കനുസരിച്ച 3 കോടി 57 ലക്ഷത്തി 40000 ത്തോളം നിവാസികളുള്ള മൊറോക്കൊയില് 99 ശതമാനവും മുസ്ലീംങ്ങളാണ്.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: