പരീക്ഷണപ്പതിപ്പ്

Cerca

Vatican News
യുവജനങ്ങള്‍, ത്രികാലപ്രാര്‍ത്ഥനാവേളയില്‍, 12-08-18 യുവജനങ്ങള്‍, ത്രികാലപ്രാര്‍ത്ഥനാവേളയില്‍, 12-08-18  (AFP or licensors)

സാഹോദര്യ സന്തോഷാനുഭവത്തിന്‍റെ സാക്ഷ്യമേകുക!

തങ്ങളുടെ സമപ്രായക്കാര്‍ക്ക് സാക്ഷ്യമായിത്തീരുക-പാപ്പാ യുവതയോട്

ജോയി കരിവേലി, വത്തിക്കാന്‍ സിറ്റി

സാഹോദര്യത്തിന്‍റെയും കൂട്ടായ്മയുടെയുമായ സന്തോഷത്തിന്‍റെ സാക്ഷ്യം നല്കാന്‍ യുവജനത്തോടു പാപ്പാ.

ഇക്കഴിഞ്ഞ ശനി, ഞായര്‍ ദിനങ്ങളില്‍ റോമിലും വത്തിക്കാനിലും സമ്മേളിച്ച ഇറ്റലിക്കാരായ എഴുപതിനായിരത്തില്‍പ്പരം യുവതീയുവാക്കളെ ഞായറാഴ്ച (12/08/18) ത്രികാലാപ്രാര്‍ത്ഥനാവേളയില്‍, അവസാനം, പ്രത്യേകം സംബോധന ചെയ്യുകയായിരുന്നു ഫ്രാന്‍സീസ് പാപ്പാ.

തീര്‍ത്ഥാടനത്തിന്‍റെയും പ്രാര്‍ത്ഥനയുടെയുമായിരുന്ന ഈ ദിനങ്ങളില്‍ തങ്ങള്‍ അനുഭവിച്ചറിഞ്ഞ സാഹോദര്യത്തിന്‍റെയും കൂട്ടായ്മയുടെയും സന്തോഷം തങ്ങള്‍ സ്വന്തം സ്ഥലങ്ങളില്‍ തിരിച്ചത്തുമ്പോള്‍ തങ്ങളുട സമപ്രായക്കാരുമായി പങ്കുവയ്ക്കാന്‍  പാപ്പാ യുവതീയുവാക്കള്‍ക്ക് പ്രചോദനം പകര്‍ന്നു.  

യുവജനങ്ങളോടു കൂടുതല്‍ അടുത്തു നില്ക്കുന്നവരായ വൈദികരോട് നന്ദി വാക്കു പറയാന്‍ താന്‍ ശനിയാഴ്ച (11/08/12) നടന്ന ജാഗര പ്രാര്‍ത്ഥനാവേളയില്‍ വിട്ടുപോയത് ഖേദപൂര്‍വ്വം അനുസ്മരിച്ച പാപ്പാ അവര്‍ക്കും നന്ദി പറയാന്‍ ആ അവസരം വിനിയോഗിച്ചു.

യുവജനങ്ങള്‍ക്കുവേണ്ടി പ്രവര്‍ത്തിക്കണമെങ്കില്‍ ക്ഷമ ആവശ്യമാണെന്നു സൂചിപ്പിച്ച പാപ്പാ വൈദികര്‍ കാണിച്ച ക്ഷമയ്ക്കും അവരോ‍ടു പ്രത്യേകം കൃതജ്ഞത പ്രകടിപ്പിച്ചു. ഇറ്റലിയിലെ കത്തോലിക്കാമെത്രാന്‍ സംഘത്തോടും പാപ്പാ നന്ദി അറിയിച്ചു.

14 August 2018, 07:23