കർദ്ദിനാൾ ഗ്രേഷ്യസ് വിരമിച്ചു, ബോംബെ അതിരൂപതയ്ക്ക് പുതിയ മെത്രാൻ!
ജോയി കരിവേലി, വത്തിക്കാൻ സിറ്റി
ബോംബെ അതിരൂപതയുടെ പുതിയ മെത്രാനായി ആർച്ച്ബിഷപ്പ് ജോൺ റോഡ്രീഗസ് സ്ഥാനമേൽക്കും. പ്രസ്തുത അതിരൂപതയുടെ പിന്തുടർച്ചാവകാശമുള്ള ആർച്ചുബിഷപ്പായി സേവനമനുഷ്ഠിച്ചു വരുകയായിരുന്നു അദ്ദേഹം.
ബോംബെ അതിരൂപതയുടെ ഭരണസാരഥിയായിരുന്ന 80 വയസ്സു കഴിഞ്ഞ കർദ്ദിനാൾ ഓസ്വാൾഡ് ഗ്രേഷ്യസ് പ്രായാധിക്യം മൂലം സമർപ്പിച്ച രാജി ഫ്രാൻസീസ് പാപ്പാ ശനിയാഴ്ച (25/01/25) സ്വീകരിച്ചതിനെ തുടർന്നാണ് പിന്തുടർച്ചാവകാശമുള്ള ആർച്ചുബിഷപ്പ് റോഡ്രീഗസ് തൽസ്ഥാനം ഏറ്റെടുക്കുക.
മുംബൈയിൽ 1967 ആഗസ്റ്റ് 21-നാണ് ആർച്ച്ബിഷപ്പ് ജോൺ റോഡ്രീഗസ് ജനിച്ചത്. 1998 ഏപ്രിൽ 18-ന് പൗരോഹിത്യം സ്വീകരിച്ച അദ്ദേഹം 2013 ജൂൺ 29-ന് മെത്രാനായി അഭിഷിക്തനായി. ബോംബെ അതിരൂപതയുടെ സഹായമെത്രാനായി സേവനം ചെയ്ത അദ്ദേഹം പിന്നീട് 2023 മാർച്ച് 25-ന് പൂനയുടെ മെത്രാനായും തുടർന്ന് 2024 നവമ്പർ 30-ന് ബോംബെ അതിരൂപതയുടെ പിന്തുടർച്ചാവകാശമുള്ള മെത്രാനായും നിയമിതനായി.
“ക്രിസ്തുവിൻറെ ഗാത്രം കെട്ടിപ്പടുക്കുക” എന്നതാണ് അദ്ദേഹത്തിൻറെ ആപ്തവാക്യം.
വായനക്കാർക്ക് നന്ദി. സമകാലികസംഭവങ്ങളെക്കുറിച്ച് കൂടുതലായി അറിയാൻ ഇവിടെ ക്ലിക് ചെയ്ത് വത്തിക്കാൻ ന്യൂസ് വാർത്താക്കുറിപ്പിന്റെ സൗജന്യവരിക്കാരാകുക: