യുക്രെയ്ൻ: വിശുദ്ധ പാട്രിക്കിന്റെ തിരുനാൾ ദിന സന്ദേശത്തിൽ സമാധാനത്തിന് ആഹ്വാനം ചെയ്ത് സഭാ നേതാക്കൾ

സി. റൂബിനി സി.റ്റി.സി, വത്തിക്കാന്‍ ന്യൂസ്

യുക്രേനിയൻ അഭയാർഥികളെ പാർപ്പിക്കാൻ ഉപയോഗിക്കാതെ കിടക്കുന്ന സഭയുടെ സ്ഥലങ്ങൾ ഉപയോഗിക്കുന്നതിനുള്ള സാധ്യതകൾ ആരായുകയാണെന്നും അവർ പറഞ്ഞു. യുക്രെയ്നിലെ സംഘർഷത്തെത്തുടർന്ന് പലായനം ചെയ്യുന്ന അഭയാർത്ഥികൾക്ക് അഭയം നൽകാൻ അയർലൻഡിലെ സഭയുടെ സ്വത്തുക്കൾ ഉപയോഗിക്കാനാവുമോ എന്നും ചിന്തിക്കുന്നതായി അവർ അറിയിച്ചു.

അഭയാർത്ഥികൾക്ക് സഭയുടെ സ്ഥലങ്ങൾ

ബുധനാഴ്ച, അർമാഗിൽ വിശുദ്ധ പാട്രിക് തിരുന്നാൾ ദിനത്തിൽ  പ്രഭാഷണം നടത്തിയ ശേഷം,  അയർലൻഡിലെ പ്രധാനാചാര്യൻ ആർച്ച് ബിഷപ്പ് ഇമോൺ മാർട്ടിൻ, ഈ ആശയം പ്രാരംഭ ഘട്ടത്തിലാണെന്നും എന്നാൽ ഉപയോഗിക്കാത്ത പള്ളി കെട്ടിടങ്ങളും ഹാളുകളും ഉപയോഗിക്കുന്നതിനുള്ള “സാധ്യത പര്യവേക്ഷണം” നടത്തുകയാണെന്നും അറിയിച്ചു.

 “യുക്രേനിയൻ കുടുംബങ്ങൾക്ക് ലഭ്യമാക്കാൻ കഴിയുന്ന സ്വത്തുക്കൾ ഉണ്ടോ എന്ന് ആലോചിക്കാൻ ഞങ്ങളുടെ എല്ലാ ഇടവകകളിലും ഇടവക അജപാലന കൗൺസിലുകളെയും, സാമ്പത്തിക കൗൺസിലുകളെയും വൈദികരെയും ക്ഷണിച്ചിട്ടുണ്ടെന്നും,” ആർച്ച് ബിഷപ്പ് പറഞ്ഞു.

“ഇതുവരെ പള്ളികളുടെ ഉടമസ്ഥതയിലുള്ള സ്വത്തുക്കളുടെ എണ്ണം പുരോഹിതന്മാരും മറ്റുള്ളവരും താമസിക്കുന്നവയാണ്, മാത്രമല്ല ആളുകൾക്ക് താമസസൗകര്യം നൽകുന്നതിനുള്ള ഏറ്റവും വേഗമേറിയ മാർഗ്ഗമാണിത്,” ,  അയർലൻഡിലെ പ്രധാനാചാര്യൻ ആർച്ച് ബിഷപ്പ് ഇമോൺ മാർട്ടിൻ,  കൂട്ടിച്ചേർത്തു. "ഞങ്ങളുടെ ഇടവകക്കാർ അവരുടെ സ്വന്തം വീടുകളിൽ ചെയ്യുമെന്ന് ഞങ്ങൾ പ്രതീക്ഷിക്കുന്ന കാര്യങ്ങൾ സഭ മാതൃകയാക്കുകയാണെന്ന്" ആർച്ച് ബിഷപ്പ് പറഞ്ഞു. സ്വന്തം വസതിയിൽ ഒരു അഭയാർത്ഥിയെ പാർപ്പിക്കുന്നതിനുള്ള സാധ്യത കൂടി പരിശോധിക്കുന്നുണ്ടെന്നും അദ്ദേഹം വെളിപ്പെടുത്തി.

അയർലൻഡ് സഭയുടെ പ്രൈമേറ്റ്, ആർച്ച് ബിഷപ്പ് ജോൺ മക്ഡൊവലും, അയർലന്റിലെ  കത്തോലിക്കാ സഭയുടെ ആർച്ച് ബിഷപ്പിനോടൊപ്പം സംസാരിച്ചുകൊണ്ടാണ് അഭയാർത്ഥികളെ അവരുടെ വീടുകളിലേക്ക് സ്വാഗതം ചെയ്യാൻ അയർലൻഡിലുടനീളം ആളുകളെ ക്ഷണിച്ചത്. ഇംഗ്ലണ്ട് ഗവൺമെന്റിന്റെ സ്പോൺസർഷിപ്പ് പദ്ധതിയിലൂടെ ഒരു അഭയാർത്ഥിയെ  താനും താമസിപ്പിക്കുമെന്ന് അദ്ദേഹം പ്രതിജ്ഞയെടുത്തു.

രക്തച്ചൊരിച്ചിൽ അവസാനിപ്പിക്കാൻ അഭ്യർത്ഥന

വിശുദ്ധ പാട്രിക് ദിനത്തോടനുബന്ധിച്ചുള്ള അവരുടെ സംയുക്ത വാർഷിക സന്ദേശത്തിൽ, യുക്രെയ്‌നിലെ "അർത്ഥരഹിതമായ കൂട്ടക്കൊലയും സ്വത്തുക്കളും, ശരീരങ്ങളും, ഉൽസാഹവും തകർക്കുന്നത്" അവസാനിപ്പിക്കാൻ ഇരു സഭാ നേതാക്കളും അഭ്യർത്ഥിച്ചു.“നമ്മുടെ പ്രാർത്ഥനയുടെയും ജീവകാരുണ്യത്തിന്റെയും ഐക്യദാർഢ്യം നൽകാതെയും യുക്രെയ്നിലെ ജനങ്ങള സ്വാഗതം ചെയ്യാതെയും ഈ വർഷം വിശുദ്ധ പാട്രിക്കിന്റെ തിരുനാൾ ആഘോഷിക്കുന്നത് മനസ്സാക്ഷിക്ക് നിരക്കാത്ത കാര്യമാണ്. ഇതിനകം തന്നെ ഈ ദ്വീപ് ഞങ്ങളുമായി പങ്കിടുന്ന യുക്രേനിയൻ ജനതയ്ക്കും നാശത്തിന്റെയും രക്തച്ചൊരിച്ചിലിന്റെയും ഭീകരതയിൽ വീടുകളിൽ  കുടുങ്ങിക്കിടക്കുന്ന അവരുടെ കുടുംബങ്ങൾക്കും സുഹൃത്തുക്കൾക്കും വേണ്ടി ഞങ്ങൾ പ്രാർത്ഥിക്കുന്നു." എന്ന് സന്ദേശത്തിൽ അറിയിച്ചു.