Сочувство на Папата за сообраќајната несреќа во Сенегал

Во телеграмата упатена до сенегалскиот претседател Меки Сал, папата Фрањо ја изразува својата загриженост и блискост со жртвите, барајќи од Господ да ги прими починатите во „неговиот мир и светлина“. Тој исто така се моли на Бога „да им даде утеха и надеж на сите луѓе погодени од оваа трагедија“. Телеграмата со сочувство е потпишана од државниот секретар на папата, кардиналот Пјетро Паролин.

Во земјата е прогласена тридневна жалост, која заврши на 11 јануари, а претседателот Сал најави дека ќе преземе мерки за безбедност на патиштата и јавниот превоз. Несреќата се случила во селото Гниви, во централниот дел на државата, кога на автобусот му пукнала гума, при што возилото извртело и се судрило со друг автобус кој доаѓал од спротивниот правец.