Папата до младите од Франција: Вдахнувајте се од примерот на Шарл де Фуко

Шарл де Фуко, Мари Ривие и отец. Габриел Лонгвил се тројца членови на бискупијата Вивиер кои папата Фрањо им ги даде на младите како пример. Додека блажените Шарл де Фуко и Мари Ривие утре ќе бидат прогласени за светци, свети Лонгвил, маченик кој беше прогласен за блажен во 2019 година, е познаник на папата Фрањо уште од времето кога тој живееше во Аргентина. Неговата посветеност и грижа за најсиромашните во парохијата Папата ја опиша како пример за свештениците на неговата татковина. Токму оваа низа блажени и идни светци јасно ја покажува плодноста на бискупијата Вивиер, рече Папата и изрази надеж дека младите ќе го зачуваат и развиваат ова „наследство на светоста“.

Евангелизирање со лично сведоштво

Желбата на Папата за младите е да го научат од Шарл де Фуко за искуството Божјо што го поттикнало идниот светител да евангелизира преку неговото присуство. Тоа е дискретна форма на евангелизација, но многу бара, бидејќи бара сведоштво на доследен живот, кој искрено е во склад со стремежите на секој човек кого Бог го сака и повикува на нешто повеќе од минливо задоволство или непосредни и видливи резултати.

Евангелие, Евхаристија, евангелизација

Папата потоа ги охрабри младите да го засноваат својот христијански живот на трите „Е“ на Шарл де Фуко: Евангелието, Евхаристијата и евангелизацијата. Тоа е во пракса, како што рече Светиот Отец, програмата на животот во училиштето Христово. Тој поттикна чести учења и размислувања за молитвата и предавање на самиот себе на Бога, преземени од списите на Де Фуко, особено во моментите на одлуки и крстови во животот. На тој начин ќе можете да влезете во евангелската динамика на Црквата на вашата бискупија - додаде тој - бискупија која покажува желба за живот на едно универзално братство на испосниците од Сахара. Папата упати посебна мисла до сите групи извидници кои се ставија под заштита на Шарл де Фуко.

Да се отвори на малите умот за Божјите работи

Папата се осврна и на Мари Ривие, чија Конгрегација Принесување на Марија, распространета низ целиот свет, продолжува неуморно да им се посветува на децата, младите и исклучените. Од таам идна светица, посветена на воспитувањето на децата, Папата изрази желба младите да научат да им го отвораат умот на децата за Божјите работи, за вниманието кон другите и за восхит кон созданието. Се надевам дека сè уште ќе има многу такви жени, скромни и храбри да ја објавуваат Божјата љубов кон децата кои само сакаат да учат, рече Папата.

Универзалноста на Црквата

На крајот, папата Фрањо им посака на младите од Рим да си заминат со поголема љубов кон Црквата, објаснувајќи дека утрешната прослава ќе им даде слика на нејзината универзалност и нејзините многубројни лица, сите насочени кон единствениот Спасител.