Папата побара молитви за неговата апостолска посета на Малта

Зборувајќи за апостолската посета на Малта, која ќе се одржи викендов, Папата рече дека со нетрпение очекува да ја посети оваа „убава земја“, по стапките на апостол Павле, кој таму беше примен со големо човекољубие по бродоломот на патот за Рим.

Светиот Отец рече дека апостолското патување ќе понуди единствена можност да се оди до изворите на навестувањето на Евангелието, лично да се запознае со живата христијанска заедница која ја краси илјадагодишна историја.

Во очекување на средбата со Малтежаните, Папата го пофали фактот дека тие денес се посветени на приемот на многу браќа и сестри кои бараат засолниште. Малта е во срцето на Медитеранот и е место на пристигнување за многу мигранти и бегалци кои бараат безбедност и подобар живот.

Ватиканските медиуми ќе ги пренесуваат сите настани од посета на папата Фрањо од Малта.