Папата ќе остане уште неколку дена во болница

„Неговата Светост папата Фрањо имаше мирен ден и го заврши своето постоперативно лекување. Со цел подобро оптимизирање на медицинската и рехабилитациската терапија, Светиот Отец ќе остане во болница уште неколку дена“, рече Матео Бруни, директор на Ватиканскиот прес-центар, во редовниот билтен за здравјето на Папата во понеделник, 12 јули 2021 година.

Портпарол на Светиот Престол рече дека пред молитвата Ангел Господов во недела на 11 јули, папата Фрањо се сретна со млади пациенти во блиското одделение за рак и нивните роднини, кои подоцна останаа со него на балконот за време на богородичната молитва. По завршувањето, Папата ги поздрави болните и медицинскиот персонал, а вечерта служеше света Литургија.

Според Матео Бруни, „ја сподели радоста со другите за победата на аргентинските и италијанските репрезентации“ на соодветните континентални шампионати. Светиот Отец „се фокусираше на важноста на спортот и неговите вредности, како и спортската способност да се прифатат сите резултат, вклучително и поразот“. „Само на овој начин, пред животните тешкотии, можеме секогаш да влеземе во игра, да се бориме без предавање, со надеж и доверба“, рече Папата, чии зборови се цитирани во соопштението за печат.