Папата Фрањо се сретна со комесарот за бегалци на ООН Гранди

По средбата комесарот Гранди на Твитер го нарече Папата „еден од најголемите борци за доброто на бегалците и мигрантите“. Тој истакна дека од Папата побарал „сила и визија“, а средбата со него го „зајакнала и инспирирала“ во нивната посветеност за оние во потреба.

Приватната аудиенција се одржа на петтата годишнина од посетата на Папата на бегалците на грчкиот остров Лезбос, а за време на престојот во Рим Гранди разговараше и со највисоките претставници на државата и владата.