Видео порака за молитвената накана за месец Октомври 2019

Папата Фрањо во својата молитвена накана за месец октомври 2019 повикува на молитва да создаде здивот на Светиот Дух нова мисионерска пролет во Црквата осврнувајќи се на „missio ad gentes”, односно мисионерското послание на Црквата

Превод на текстот од видео пораката:

Денес е потребен нов поттик за мисионерско делување во Црквата за да се соочи со предизвикот за навестување на Исус и неговата смрт и воскресение.

Достигнувајќи ги перифериите  на човековите, културните и религиозните средини, кои сè уште се туѓи на Евангелието: тоа е она што го нарекуваме  „missio ad gentes“.

Мораме исто така да се сетиме дека молитвата е срцето на мисијата на Црквата.

Во овој ,,Вонреден мисионерски месец ” да се молиме Светиот Дух да создаде нова мисионерска ,,пролет” за сите оние кои се крстени и испратени од Христовата Црква.