Во Ватиканските градини папата Фрањо засади даб од Асизи Во Ватиканските градини папата Фрањо засади даб од Асизи 

Во Ватиканските градини папата Фрањо засади даб од Асизи

На празникот свети Фрањо од Асизи, 4 Октомври 2019 година, папата Фрањо во Ватиканските градини посади даб од Асизи, како видлив знак за целосна екологија, а настанот е пропратен со молитва за застапништво на свети Фрањо за Епископската синода за Амазонија, која ќе започне на 6 Окотмври во Ватикан.

Прославата, која се славеше во присуство на домородни и црковни претставници, има исто така симболичко значење. Дабот од Асизи е посаден во срцето на Универзалната црква во разни почви, кои ги претставуваат различните култури и народи.

Земјата од Амазонија ја претставува богатството на културите и традициите на биорегионот, земјата од Индија ги претставува најчувствителните на климатската криза, земји каде сушите и поплавите оставаат милиони луѓе опустошени. Имаше почва која ги претставува бегалците и мигрантите присилени да ги напуштат своите домови поради војна, сиромаштво и еколошко уништување, земја од местата со трговија со луѓе и од проекти за одржлив развој во светот. Најмногу земја имаше од Амазонија, која ги претставува сите оние кои умреле, борејќи се против нејзиното уништување.

Тоа е погодна можност за да се сврти вниманието за важноста на временското Создание и прв гест на папата Фрањо, после повикот упатен до Црквата во светот за прослава на интензивен период за молитва и ангажирање за доброто на заедничкиот дом, како и важноста за одржување на Епископската синода за Амазонија, според моделот и водството на свети Фрањо. Тој настан е плоден чекор за пронаоѓање нови патишта за целосна екологија на критичните подрачја во Амазонија.

Овој настан го организираа Панамазонската црковна мрежа, Заедницата на Фрањевци во Амазонија и Глобалното католичко климатско движење, а покрај нив учествуваа и разни верски конгрегации и претставниците на автохтоното население од панамазонскиот регион.

Со ова завршува и годишната прослава која според желбата на Папата се одржа од 1 Септември до 4 Октомври, а наскоро официјално ќе се одбележи 40. годишнината од прогасувањето на свети Фрањо за заштитник на еколозите и екологијата, кој го прогласи папата Иван Павле II на 29 Ноември 1979 година.

05 октомври 2019, 12:43