Во Бразил како последица од коронавирусот починале 21 свештеник
Католичката црква во Бразил како последица од коронавирусот загуби 21 свештеник и двајца епископи, а досега со КОВИД – 19 се заразени 347 свештеници. Исто така има сѐ повеќе заразени епископи, од кои починаа монс. Енрике Суарез де Коста (57) и Алдо Пагото (70).
Досега најмногу се погодени државите Пара и Амапа во кои 58 свештеници се заразени, а шестмина починаа, додека во североисточниот регион се заразени 57 свештеници и тројца починати.
На подрачјето на метрополата Сао Паоло има 38 заразени свештеници и еден починат, а во сојузната држава Кеара 37 се заразени и четворица починати. Само во сојузната држава Мато Гросо до Сул нема заразени свештеници од КОВИД – 19.
После САД Бразил со 2,55 милиони заразени е второ погодена земја во светот, а на 29 јули забележи и најголем број заразени во еден ден – 69.074 и 1595 починати.
31 јули 2020, 17:02
