Пребарување

Vatican News
Литургија по повод една година од посетата на папата Фрањо во Македонија Литургија по повод една година од посетата на папата Фрањо во Македонија 

Благодарна света Литургија по повод Првата годишнина од посетата на папата Фрањо на Македонија

Скопскиот бискуп и Струмичко – скопски епарх монс. Киро Стојанов во четврток 7 мај 2020 година служеше благодарна света Литургија во Скопската катедрала по повод Првата годишнина од посетата на папата Фрањо на Македонија

Поради пандемијата предизвикана од вирусот КОВИД -19 светата Литургија се служеше без присуство на народ, а беше пренесувана преку социјалните мрежи и Радио Марија.

Во проповедта бискупот Стојанов се осврна видео конференцијата која се одржа истиот ден по повод Првата годишнина од посетата на папата Фрањо во Македонија, а на која бројни учесници од земјата и регионот ги споделија своите впечатоци од тој историски момент, кој ќе остане длабоко врежан во сеќавањето на луѓето и историјата на Македонија. „Нарекувајќи ја нашата земја мост помеѓу Исток и Запад и место за средба на многу култури, Светиот Отец се осврна на богатата историја и присутноста на христијанството на овие простори кое датира од апостолско време. Истакна дека големо културно наследство на Македонија, односно етничката и верската разноликост е плод на историјата. Коментирајќи го религиозното и етничкото богатство на Македонија, Папата истакна дека различноста создала мозаик во кој секое каменче е неопходно за оригиналност и убавина на целата слика“.

Епископот Стојанов во проповедта спомена и некои делови од средбата и моменти кои ќе останат трајно вдахновение и храна за генерациите.

11 мај 2020, 12:36