Бискупот Стојанов ја прими Андреја Метелко - Згомбиќ
Бискупот Стојанов се заблагодари на државната секретарка Метелко - Згомбиќ на посетата и ја запозна со кратка историја и делување на Католичката црква во Македонија која е организирана во две бискупии, Скопската и Струмичко-скопската за верниците од источен обред. Ја истакна и големата поврзаност на Црквата во Македонија со Хрватската црква, како и традицијата на делување на хрватските мисионери и рече дека поголемиот дел на верниците во Скопската бискупија се од хрватска народност. Изразувајќи радост поради добрата соработка со Хрватската амбасада и државната канцеларија за Хрвати надвор од Република Хрватска, ја запозна државната секретарка Метелко - Згомбиќ за заедничките активности за доброто и зачувувањето на хрватската заедница и нејзиниот идентитет.
Соговорниците се осврнаа и на некои од актуелните теми поврзани со иднината на Европа во врска со демографијата, семејството и миграцијата како и важното случување, претседавањето на Република Хрватска со советот на Европската унија, како и подршката на Република Македонија на нејзиниот пат кон пристапните преговори.