Скопје со радост го очекува доаѓањето на папата Фрањо
За само десетина дена Светиот Отец папата Фрањо ќе ја посети Северна Македонија и родниот град на света Мајка Тереза – Скопје. За атмосферата за овој голем настан говори фотографијата на нашиот фоторепортер од Скопје.
Папата Фрањо ќе ја посети Северна Македонија и родниот град на света Мајка Тереза Скопје на 7 мај 2019 година. При тоа Светиот Отец ќе оствари средба со државниот врв, граѓанското општество, а ќе се сретне и со погаварите на верските заедници во НУ „Спомен куќа на Мајка Тереза“ во Скопје. Веднаш потоа папата Фрањо ќе има средба со лица во потреба.
Централен настан е светата Литургија на плоштадот Македонија, а во попладневните часови е планирана екуменска и меѓурелигиска средба на млади, како и средба со свештениците, нивните семејства и богопосветените лица.