Audience générale : lokola Yosefu, koyamba Yezu eye akokola na bomoi na biso
Jean-René Bompolonga-Kinshasa
Mateya ya sika na molongo ya mobu ya Jubilé « Yezu Kristu elikya na biso » mokolo ya misato ya ntuku mibale na libwa ya sanza ya yambo na likanisi etali sangela ya mokumba ya Maria epayi ya Yozefu.
Yosefu, moto ya kimia ya ba Nsango Elamu, alakisami na mokomi ya Nsango Elamu Mateo (Mt. 1,18-21) lokola « moto eye andima botata ya mobeko ya Yezu, na kokangisa ye na mosisa ya Jessé mpe kosangisa ye na elaka elobamaka mpo na Dawidi », elobi Papa. Na wana, Yezu azali « elikya ya Israël », ekomama na ba buku ya Bondeko ya Kala, lokola « eteni ya nzete ekobima na mosisa ya Jessé » (Is 11,1) to lisusu « mokitani elakamaka na Dawidi) (2Sam 7,12).
Yosefu, moto moko ya sembo
O eleko ya sangela ena, Yosefu azali fiancé na Marie mpe alakelamaki akoma molongani na ye na ba sanza bizali koya. Na ntango ena ya bozeli, Yosefu amoni mokumba ya Maria mpe, elobaki Papa, “bolingo na ye ekutanaki na libaku moko makasi”. Bongo akokaki kokata kifiancé na ye na Maria, lolenge ya bokutu to liboso ya bazuzi. Yosefu “asepeli komitika na bokambemi ya bwanya ya molimo”. Mpo na santu Mateo, Yosefu “oyo azalaki moto moko ya sembo (…) azuaki mokano ya kobengana ye na bokutu”.
François abeti nsete na bwanya ena ya Yosefu, eye “esungi ye mpo na abunga te mpe atikala polele mpe kimia na mongongo ya Mokonzi”. Na wana, Angelu ya Mokonzi ayebisi Yosefu na koloba ete mwana eye Maria akumbi azui zemi ya Elimo Santu mpe akozala oyo “akobikisa bato ya ekolo na ye na masumu na bango”.
Kondima libongisi ya Nzambe
“Yosefu akolota nini?”, Santu Papa atuni. Ya yambo na likamwisi Nzambe asali na bomoi ya Maria, kasi lokola na bomoi na ye moko, “kondima botata moko ekoki ya kobomba, kobatela mpe kotika libula (héritage) moko ya eloko mpe ya molimo”.
Mpo na François, santu Yosefu akolakisa elili elongobami ya kondima ba miango ya Nzambe. “Yosefu akotuna bilembo misusu te, akotia motema na Nzambe, andimi mwango ya Nzambe na bomoi na ye na eye ya fiancée na ye”. Ezaleli ena esungi ye ya kokota “na ngracia ya baye bayebi kobika na elaka ya molimo na boyambi, elikya mpe bolingo”.
Koyamba Kristu
Aboyi koluka ba ndimbola, Yosefu andimi bomoi ena ekowuta epayi ya Nzambe na “maloba ya likolo likolo te, kasi na misala bikomonana”. Asaleli liloba ya Nzambe “na kobalusa yango na misala, na mosuni mpe na bomoi”.
Mpo na bosukisi, Papa François apesi likanisi na bandimi ya kosenga ngracia “ya boyoki eleka koloba na ebele, ya kolota miango ya Nzambe mpe ya kondima na lolenge ya moto azali na mokumba Kristu eye, kobanda batisimo, abiki mpe akoli na bomoi na biso”